បណ្ណសារសម្រាប់សមានក្រុម ទស្សនៈឡប់ៗ
គេចពីពុករលួយ – Repost
ផ្សាយដោយ ឧត្តម ក្នុង ទស្សនៈខ្ញុំ, ទស្សនៈឡប់ៗ, សង្គមខ្មែរ លើ ខែធ្នូ 16, 2011
ខ្ញុំធ្លាប់ដាក់ប្រកាសនេះម្តងរួចហើយកាលពីមួយឆ្នាំមុន។ ថ្មីៗនេះ ខ្ញុំស្គាល់មនុស្សម្នាក់ គាត់គឺជានិស្សិតច្បាប់។ គាត់ប្រាប់ខ្ញុំថា គាត់ជិតប្រឡងមេធាវីហើយ វាគឺជារឿងដែលគាត់ខ្វល់ខ្វាយជាខ្លាំង។
គាត់ប្រាប់ខ្ញុំថា “សមត្ថភាពខ្ញុំមិនសូវពូកែទេ តែខ្ញុំមានទំនុកចិត្ត តែខ្វះ$“
ខ្ញុំសួរថា “តើគេត្រូវការប៉ុន្មាន?”
គាត់ឆ្លើយថា “18000$$$”
ខ្ញុំរាប់ពីសូន្យថយក្រោយ ១ ២ ៣ ៤ ៥ ឃើញថា មួយម៉ឺនប្រាំបីពាន់ដុល្លាអាគាំងពេញបឹប! ញាក់សាច់!!!!
គ្រាន់តែប្រឡងមេធាវី គាត់ត្រូវចំណាយប្រាក់ដល់ជិតពីរម៉ឺនដុល្លា។
ខ្ញុំសួរគាត់ទៀតថា៖ ចុះប្រើប្រឡងមិនជាប់ ជំហ៊ានបន្ទាប់ជាអ្វី?
គាត់ថា៖ ត្រូវរៀនបន្ថែមទៀត។ នៅពេលដែលបញ្ចប់ការរៀនមេធាវី គឺត្រូវចុះកម្មសិក្សាស្បថក្លាយជាមេធាវីពេញសិទ្ធ។
ខ្ញុំសួរថា៖ គេស្បថយ៉ាងម៉េច? ហើយជឿលើការស្បថដែរទេ?
គាត់ឆ្លើយថា៖ អត់ទេ! ស្បថគ្រាន់តែឲ្យហើយៗទេ។ អានបន្ត »
ស្រា..
ផ្សាយដោយ ឧត្តម ក្នុង ខ្ញុំ និង អ្នក, ទស្សនៈ, ទស្សនៈខ្ញុំ, ទស្សនៈឡប់ៗ, សង្គមខ្មែរ លើ ខែវិច្ឆិកា 29, 2011
គ្មានសេចក្តីអាក្រក់ឯណាដែលមិនអាចប្រែជាសេចក្តីល្អនោះទេ ហើយក៏គ្មានសេចក្តីល្អឯណាដែលស្ថិតស្ថេរជារៀងរហូតនោះដែរ។
ស្រា ឬសុរា.. ថ្វីត្បិតតែយើងដឹងពីអត្ថន័យរបស់ពាក្យ “សុរា” យើងយល់ពីឥទ្ធិពលរបស់ “សុរា” សុរាធ្វើឲ្យខូចសុខភាព សុរាគឺជាគ្រឿងស្រវឹង មានមនុស្សជាច្រើនត្រូវបាន”សុរា”បោកបញ្ឆោតឲ្យភ្លេចឪភ្លេចម៉ែ ភ្លេចស្រែភ្លេចភ្លឺភ្លេចផ្ទះសម្បែង ភ្លេចប្រពន្ធភ្លេចកូន ភ្លេចស្មារតី តែក៏មានមនុស្សជាច្រើនផ្សេងទៀតបានប្រើ “សុរា” ក្នុងសេចក្តីល្អ និងមានប្រសិទ្ធភាព។
ខ្ញុំសរសេរអត្ថបទនេះ មិនមែនមានន័យថាគាំទ្រឲ្យគ្រប់គ្នារៀនផឹកស្រានោះទេ ហើយក៏មិនមែនគាំទ្រអ្នកកំពុងផឹកស្រាកាន់តែផឹកទៀតនោះដែរ។ ពាក្យខ្មែរពោលថា “មនុស្សឆ្កួតបី ឆ្កួតស្រី ឆ្កួតល្បែង និងឆ្កួតស្រា”។ ចូរយើងទន្ទេញពាក្យនេះឲ្យចាំស្ទាត់ មុននឹងយើងដាក់ចិត្តស្រឡាញ់ចង់បាននរណាម្នាក់ មុននឹងយើងដកលុយភ្នាល់ល្បែងស៊ីសង និងមុននឹងយើងលើកកែវស្រាក្រេបឱជារសដ៏ឆ្ងាញ់របស់វា។ តែពេលនេះខ្ញុំលើកយកតែរឿងសុរាមួយមុខប៉ុណ្នោះមកសង្ខេប។ យើងនឹងមិនបរិយាយតាមបែបសាសនានោះទេ។
យើងបានដឹងថាសង្គមខ្មែរបច្ចុប្បន្ន មានមនុស្សជាច្រើនបានរងគ្រោះដោយសារស្រា ទាំងផ្ទាល់និងដោយប្រយោល។ តើអ្វីជាការរងគ្រោះដោយផ្ទាល់ ហើយអ្វីជាការរងគ្រោះដោយប្រយោល? អានបន្ត »
មនសិការថ្លៃ៥០០០រៀល
ផ្សាយដោយ ឧត្តម ក្នុង ទស្សនៈឡប់ៗ លើ ខែតុលា 17, 2011
រឿងប្រឌិត
សម្លាញ់ខ្ញុំឈ្មោះ អាម៉ាប់ វាកំពុងតែជូនខ្ញុំទៅផ្ទះ ក្រោយពីលេងបាល់នៅស្តាតបែកញើសស្អុយខ្លួនដូចគ្នា..
(កំពុងជិះម៉ូតូ)
អាម៉ាប់៖ អាសម្លាញ់អាប់! អញសួរមួយ..
ខ្ញុំ៖ ថីហ្អា..
អាម៉ាប់៖ តើមនសិការមនុស្សជាស្អី?
ខ្ញុំ៖ ហ្អែងសួរធើអី?
អាម៉ាប់៖ ម្សិលមិញគ្រូខ្មែរអញបង្រៀនពីមេរៀននេះ។ គាត់បង្រៀនថា ធ្វើមនុស្សត្រូវចេះមានមនសិការក្នុងខ្លួន ដែលមនសិការនេះមានន័យថា គោរពកតព្វកិច្ចរបស់ខ្លួន តួនាទីខ្លួនជាអ្វី ត្រូវតែបំពេញដោយម៉ត់ចត់ ដោយមិនភ្លេចខ្លួន ហើយការមិនភ្លេចខ្លួន បានសេចក្តីថាការយកចិត្តទុកដាក់មិនមានភ្លេចស្មារតី មិនមានធ្វេសប្រហែសឡើយ នោះទើបគេថា យើងមានមនសិការចំពោះការងារ។
ខ្ញុំ៖ អើ មែនហើយ!
អាម៉ាប់៖ អញសួរគ្រូអញថា “លោកគ្រូ តើមនសិការមនុស្សថ្លៃប៉ុន្មានដែរ?” គាត់ឆ្លើយថា “មនសិការមនុស្សមិនអាចទិញដូរបានឡើយ វាគ្មានហាងឆេងនោះទេ! ប្អូនឯងមិនយល់មេរៀននេះទេ ទើបបានសួរដូច្នេះ!”
ខ្ញុំ៖ ហើយហ្អែងយល់ថាម៉េច! អានបន្ត »
កើតមួយជាតិ ធាតុមួយចាន
ផ្សាយដោយ ឧត្តម ក្នុង ខ្ញុំ និង អ្នក, ទស្សនៈខ្ញុំ, ទស្សនៈឡប់ៗ លើ ខែកញ្ញា 12, 2011
ព្រះបានសម្តែងថា ធ្វើល្អ បានល្អ ធ្វើអាក្រក់ បានអាក្រក់ ដាំសណ្តែក មុខជាមិនបានជាត្រសក់នោះទេ កើត ចាស់ ឈឺ ស្លាប់ ជាវាលវដ្តសង្សារ អ្វីទៅជា វាលវដ្តសង្សារ ជាដំណើរនៃ កើត ចាស់ ឈឺ ស្លាប់ នោះឯង។ មានរូបមានទុក្ខ ខ្លួនមិនមែនជារបស់ខ្លួន ការដែលមានសេចក្តីលោភលន់ រមែងនាំមកនូវ សេចក្តីព្រួយកង្វល់ជាធម្មតា ព្រួយកង្វល់ខ្លាចបាត់បង់រូបឆោម ព្រួយកង្វល់ខ្លាចបាត់បង់មនុស្សជាទីស្រឡាញ់ ព្រួយកង្វល់ខ្លាចមិនបានវត្ថុជាទីគាប់.. មនុស្សល្អធ្វើអាក្រក់ជារឿងងាយ តែមនុស្សអាក្រក់ មិនងាយក្លាយជាព្រាហ្មបានឡើយ តែកុំឲ្យមនុស្សអាក្រក់ធ្វើអ្នកដឹងនាំ ព្រោះវានាំឲ្យវិនាស.. នៅតែចាកមិនឆ្ងាយពីការកាប់សម្លាប់ ដើម្បីអំណាច បុណ្យសក្តិ មាសប្រាក់ អាក្រក់ទៅជាល្អ សទៅជាខ្មៅ ពិតត្រូវគេប្រឌិត.. ទ្វារព្រះធំទូលាយ មនុស្សទាំងឡាយដើរជៀស ទ្វារនរកតូចចង្អៀត បែរនាំគ្នាប្រជ្រៀតចុះឈ្មោះធ្វើព្រាយ ធ្វើខ្មោច .. ហេតុអ្វីទារកកើតមកក្តាប់ដៃ ហើយតែងតែងស្រែកយំ សេចក្តីស្លាប់ត្រឡប់ទៅវិញ មិនឆ្ងាយពីធាតុមួយចានដដែលជាដដែល..
ខ្ញុំមិនមែនអាចារ្យទេ សរសេរលេងកែអផ្សុក..
ដើម្បីកុំឲ្យខ្មែរដាច់ពូជ
ផ្សាយដោយ ឧត្តម ក្នុង ជាតិនិយម, ទស្សនៈ, ទស្សនៈខ្ញុំ, ទស្សនៈឡប់ៗ លើ ខែកញ្ញា 6, 2011
ខ្ញុំហាក់បីដូចជាភ្ញាក់ផ្អើលបន្តិច ឬថាខ្លាំងក៏បាន នៅពេលដែលបានឃើញរូបភាពមួយដែលធ្វើដោយលោក សូយ ឡូត ។
ក្នុងរូបភាពខាងលើនេះ បង្ហាញពីភាគរយនៃការថយពូជ មានន័យថាអត្រាចំនួនប្រជាជនថយចុះ និង កំណើនពូជ មានន័យថាអត្រាចំនួនប្រជាជនកើនឡើងតាមរយៈគម្រោងនៃការយកកូនរបស់ប្រជាជន។
តើអ្នកមានកូនប៉ុន្មាន ទើបសង្គមមិនដាច់ពូជ?
នេះជាសំណួរដែលលោកអ្នកបានគិតរំលង។
តារាងទី១បង្ហាញថា បើលោកអ្នកជាគូរស្វាមីភរិយា មិនមានកូនទាល់តែសោះក្នុងជីវិតអាពាហ៏ពិពាហ៏ មានន័យសង្គមត្រូវថយពូជ១០០% នៅពេលលោកអ្នកធ្វើមរណៈកាលទាំងពីរនាក់ទៅ។
តារាងទី២បង្ហាញថា បើលោកអ្នកយកកូនតែម្នាក់ មានន័យថាសង្គមត្រូវថយពូជ ៥០% (កូន១ ជំនួសឪពុកម្តាយ២នាក់)។
តារាងទី៣ បង្ហាញថា បើលោកអ្នកយកកូនពីរ បាននៃថាសង្គមមិនមានកំណើនឬថយប្រជាជននោះទេ ដូច្នេះថយពូជ និង កំណើនពូជ គឺសូន្យភាគរយដូចគ្នា។
តារាងទី៤បង្ហាញថា បើលោកអ្នកយកកូនរហូតដល់៣នាក់ មានន័យថាសង្គមចំណេញ៥០% ព្រោះ៣ជំនូស២។ ដូច្នេះសង្គមមានកំណើនប្រជាជន ឬកំណើនពូជ។
តើលោកអ្នកជ្រាបទេ!
តើប្រជាជនខ្មែរបច្ចុប្បន្ននិយមយកកូនប៉ុន្មានក្នុងរវាងប្តី១ប្រពន្ធ១?
តើប្រជាជនយួនដែលនៅស្រុកខ្មែរ និយមយកកូនប៉ុន្មានដែរក្នុងរវាងប្តី១ប្រពន្ធ១?
ការពន្យារកំណើត
តាមរយៈអង្គការផ្សេងៗ ចំណេះដឹងនៃការពន្យារកំណើតបាននឹងកំពុងតែពេញនិយមយ៉ាងខ្លាំងទាំងក្នុងទីក្រុង និងជនបទ។ ប្រជាជនខ្មែរជាច្រើនបានជ្រើសរើសយកវិធីពន្យាកំណើតក្នុងរូបភាពផ្សេងៗ ក្នុងគោលបំណងកាត់បន្ថយការចំណាយទៅលើកូន ឬគេច្រើននិយាយថា ពង្រឹងសេដ្ឋកិច្ចគ្រួសារ។
តើជាការពង្រឹងសេដ្ឋកិច្ចគ្រួសារ ឬកាត់បន្ថយពូជ(ខ្មែរ)???
តើលោកអ្នកដឹងទេថា ប្រជាជនយួនដែលកំពុងតែរស់នៅស្រុកខ្មែរ យល់ដឹងប៉ុនណាលើចំណេះដឹងនៃការពន្យាកំណើត? តើប្រជាជនយួនមួយគ្រួសារដែលប្តី១ប្រពន្ធ១ មានកូនប៉ុន្មាននាក់ក្នុងមួយគ្រួរសារ? តាមការសង្កេតរបស់ខ្ញុំ ដូចជាមិនដែលឃើញគ្រួសារយួនមានកូនតិចជាង២នាក់ឡើយ ក្នុងវ័យប្តីប្រពន្ធចាប់ពី៥០ឆ្នាំឡើងទៅ។
សំណួរ!
បើប្រជាជនខ្មែរយល់ដឹងពីចំណេះដឹងពន្យារកំណើត ហើយជ្រើសរើសយក តារាងទី២ ឬ ទី៣មកប្រើ ក្នុងខណៈពេលដែលប្រជាជនយួននាំគ្នាជ្រើសរើសយកតារាងទី៤ ឬ ទី៥ ទី៦.. មកប្រើប្រាស់
តើក្នុងរវាង៥០ឆ្នាំខាងមុខ តើពូជខ្មែរមានប៉ុន្មានភាគរយ ហើយពូជយួនមានប៉ុន្មានភាគរយ រស់នៅលើផ្ទៃដី ១៨១.០៣៥ គីឡូម៉ែត្រក្រឡានេះ? ចុះជនជាតិចិន ចាម និងផ្សេងៗទៀត?
ចម្លើយ!
ពិបាកឆ្លើយបន្តិចហើយ! មើលទៅប្រហែលខ្ញុំត្រូវបបួលប្រពន្ធខ្ញុំយកកូនឲ្យបាន១២នាក់អីហើយ ដើម្បីជួយជាតិ កុំឲ្យដាច់ពូជ។
គំនិត & ចំណាំ
មានគំនិតពីរសម្រាប់ខ្មែរ៖
១-ខ្ញុំត្រូវយកកូនត្រឹម១ ឬ២ប៉ុណ្នោះដើម្បីពង្រឹងសេដ្ឋកិច្ចគ្រួសារ!
២-ខ្ញុំត្រូវតែរិះរកវិធីសាស្រ្ត និងមធ្យោបាយដើម្បីចិញ្ចឹមកូនឲ្យបាន៥!
ខ្មែរត្រូវចំណាំថា៖
គ្រួសារយួនរស់តែលើទូក ឬដំតែស្ពាន់ដែកលក់ គេអាចចិញ្ចឹមកូនរស់បាន៥!!!
————————-
Related Articles៖
“ស៊ូស្លាប់ដើម្បីដីស្រែ”
ផ្សាយដោយ ឧត្តម ក្នុង ទស្សនៈឡប់ៗ, សង្គមខ្មែរ លើ ខែមិថុនា 11, 2011
ស្តាប់មួយភ្លេត អ្នកប្រហែលជាគិតថា វាជាចំណងជើងនៃប្រលោមលោកថ្មីមួយ ដែលមានឈុតឆាកសម្តែងគួរឲ្យរន្ធត់ ឬជាអត្ថបទរឿងកំប្លែងមួយក៏ថាបាន។
សូមអ្នកមើលវីដេអូខាងក្រោម មានចម្លើយនៅក្នុងនេះ។ ខ្ញុំរន្ធត់ចិត្តនិងតក់ស្លុតជាខ្លាំង ព្រោះតែតួសម្តែង សម្តែងសមឥតខ្ចោះ។
ប្រជាជាតិទាំងឡាយអើយ អ្នកប្រហែលជារកឃើញទស្សនីយ៍ភាពទេសចរណ៍ថ្មីមួយផងក៏មិនដឹង ក្រៅពីគុកទួលស្លែង និងវាលពិឃាតជើងឯកដ៏ល្បីឈ្មោះ។ ទស្សនីយ៍ភាពទាំងអស់នេះ មាននៅកម្ពុជា..
Related articles
ចម្ងល់ឆ្កួតលីលា
ផ្សាយដោយ ឧត្តម ក្នុង ជាតិនិយម, ទស្សនៈ, ទស្សនៈខ្ញុំ, ទស្សនៈឡប់ៗ លើ ខែឧសភា 28, 2011
ខ្មែរអើយចូរចាំជាក់ថា តាមពង្សាវតា បញ្ជាក់ប្រាប់ថាពូជខ្មែរថ្កើងអើយ..ទឹកដីខ្មែរធំ ទូលំទូលាយសព្វសាយរុងរឿង គេឯង តែងលើកតម្កើងដំកល់ជាតិយើង ចាត់ទុកឡើងជាជាតិច្បង..
ខ្ញុំនៅចាំបទនេះមិនភ្លេចទេ ចេះចាំតាំងពីបឋមសិក្សាម្ល៉េះ តែអ្វីៗគ្រាន់តែជាអតីតកាលប៉ុណ្នោះ ទឹកដីខ្មែរដ៏ធំទូលំទូលាយ អរិយធម៌ដ៏រុងរឿង វប្បធម៌ដ៏អស្ច្ចារ្យ ដែលជាតិសាសន៍ដ៏ទៃតែងតែឲ្យតម្លៃ លើកតម្កើងជារៀមច្បងនោះ វាគ្រាន់តែជាសុបិនមួយ ដែលកប់បាត់ក្នុងអតីតកាលបាត់ទៅហើយ។
បទចម្រៀងស្នេហាជាតិដែលខ្ញុំធ្លាប់បានស្តាប់ រាប់ទាំងបទគោរពទង់ជាតិផងនោះ សុទ្ធតែរៀបរាប់រំឮកដល់អតីកាលទាំងអស់។
ពេលណាទើបអ្នកប្រាជ្ញសម័យថ្មីតែងបទស្នេហាជាតិថ្មី ឬភ្លេងជាតិថ្មី ដែលសសើរនិងរំឮកដល់បច្ចុប្បន្នភាពកម្ពុជាផងណោះ!
ឬមួយខ្វះពាក្យសរសើរ..
Related Articles
-
អ្នកកំពុងរាវរក បណ្ណសារ នៃចំណាត់ក្រុម ទស្សនៈឡប់ៗ ។
ប៉ប៉ាច់ប៉ប៉ោច- អនុស្សាវរីយ៍មួយសន្លឹក «ផ្សាប្រហុក» ក្រុងបាត់ដំបង ខែត្របាត់ដំបង ខែកក្កដា ២០១១
- អនុស្សាវរីយមួយសន្លឹក «អ្នកតាឃ្លាំងមឿង» ស្រុកពោធ៍សាត់ ខែត្រពោធ៍សាត់ ខែកក្កដា ២០១១
- «រាជធានីភ្នំពេញ»
- អនុស្សាវរីយ៍មួយសន្លឹក «ព្រះបរមរាជវាំង រាជធានីភ្នំពេញ» ថ្ងៃ២៦ ឧសភា ២០១២
- អនុស្សាវរីយ៍មួយសន្លឹក «ទីក្រុងដាណាង វៀតណាម ភូមិភាគកណ្តាល» ខែមិថុនា ២០១០
- «បិសាចពាក់ស្រោមឥសី»
- «រំដួលដងស្ទឹងតាតៃ»
- អនុស្សាវរីយ៍មួយសន្លឹក «ភ្នំនាងកង្រី» កំពង់ឆ្នាំង ខែកក្កដា ២០១១
- «ដៃដែលបងមិនបានថ្នម» ១ ឱដៃអើយដៃស្រឡូនទន់អ្វីម្ល៉េះ ស្រស់យ៉ាងនេះធ្វើឲ្យខ្ញុំវង្វែងហើយ ដៃសខ្ចីដូចសម្លីគួរកល់កើយ ដៃទន់ល្មើយកើយមួយយប់ក៏មិនអស់ចិត្ត។ ២ ដៃស្រីល្អដូចកេន្នរសួគ៌ាល័យ…
- អាឡូអូន អាឡូបង ម្តេចក៏ទូរស័ព្ទមកទាំងព្រឹកអញ្ចឹង គឺបងមានរឿងចង់ប្រាប់អូន តែអូនត្រូវសន្យាថាកុំខឹងណា រឿងអ្វីទៅបង ម្តេចក៏បន្ទាន់ម្ល៉េះ សន្យានឹងបងសិនមក…
បញ្ចេញមតិ