យើងអាចទទួលយកប្រយោជន៍ប្រាំយ៉ាងដូចជា៖

1. កាត់បន្ថយចំណាយលើប្រេងសាំង ប្រេងម៉ាស៊ីន ជួសជុល ថ្លៃរំលោះ
2. ចូលរួមស្រឡាញ់ និងថែទាំបរិស្ថាន
3. កាត់បន្ថយការកកស្ទះចរាចរណ៍ (ស្ទះខ្លាំងលើកសែងបានយ៉ាងស្រួល)
4. ហាត់ប្រាណដើម្បីសុខភាព
5. សុវត្ថិភាពច្រើន

បន្ទាប់ពីការពិចារណាហើយ ថ្ងៃត្រង់ស្ទុះវឹងទៅផ្សារហេងលីមើលអាចាស់គេថ្មីយើង (ជជុះ) មួយ តែដោយតម្លៃថ្លៃៗពេក ក៏ទូរស័ព្ទសួរបងម្នាក់ (មិត្តភក្តិបង) ដែលគាត់ទើបតែនឹងទិញកាលពីមួយខែមុន ហើយឮល្ហៀងៗថាចង់ដូរយកអាល្អនិងថ្លៃជាងហ្នឹង ក៏សុំគាត់កាត់កងចែកឲ្យមក ក្នុងតម្លៃ៥០ដុល្លា។ កាលគាត់ទិញតម្លៃ ៧៥ដុល្លា ដូច្នេះឃើញថាខ្ញុំទិញបានថោកហើយ គឺថោកជាង២៥ដុល្លា។

—————————–

Cao Cao ត្រឡប់មកវិញ ហើយបបួល Liu Bei ទៅជួប​ជាមួយ Yuan Shao។

[---] Cao Cao បាននិយាយទៅ​កាន់​ Yuan Sao ថា៖

• ខ្ញុំអត់ឈ្នះទេ ខ្ញុំត្រឡប់មកវិញ​ដោយ​ការបរាជ័យ​ [---] នៅពេលនេះខ្ញុំ​មាន​ពាក្យឈឺចិត្តមួយម៉ាត់ «មនុស្សគំ​និតខុសគ្នា មិនសហការគ្នា (Cao Cao និយាយដោយ​បោក​កែវស្រាចោលនៅមុខ Yuan Shao) តាំង​ពី​ពួកខ្ញុំចូលសម្ព័នមក​ ហោចណាស់​ក៏មាន​ឱកាស​៣លើកដែរ​ ក្នុង​ការកម្ចាត់ Dong Zhuo តែសុទ្ធតែពួកលោក​បំផ្លាញចោល [---]
• [យុទ្ធសាស្រ្ត] ខ្ញុំធ្វេសប្រហែលជាប់អន្ទាក់ Dong Zhuoមែន តែបើ​ក្រោយខ្ញុំ​វាយប្រហា​ហើយ មាន​ទ័ពរាប់ម៉ឺននាក់​ដេញ​សម្លាប់ Dong Zhuo ទៀតនោះគឺពិតជាបានសម្រេច ព្រោះ​បើមានអន្ទាក់មួយលើកហើយ គឺនឹងមិនមានអន្ទាក់ទី២ទៀតទេ ព្រោះ​ក្រោយអន្ទាក់ទី១នេះ​បាន​សម្រេចហើយ ទ័ពDong Zhuo នឹងក្លាយ​ជា​ទ័ពក្អេងក្អាង ពួកគេ​ទាយមិនដឹង​ថាក្រោយទ័ពដេញតាម នៅមានទ័ពដេញតាម​មួយកង​ទៀតទេ!!
• គួរឲ្យស្តាយ​ ពេលមកវិញឃើញពួក​សម្តេច​សម្លាប់គោសម្លាប់ពពែផឹកស្រាយ៉ាងសប្បាយ។ ឆ្លងកាត់ការបរាជ័យលើកនេះខ្ញុំ​មើលធ្លុះគំនិតពួក​លោកហើយ​[---] ធ្វើឲ្យខ្ញុំមើលងាយណាស់។

Cao Cao និយាយហើយដើរចេញ Liu Bei ក៏ដើរចេញដែរ។

Sun Wen Tai ពោលថា៖

• សុភាពបុរសផ្តាច់ទំ​នាក់ទំនង​មិនប្រើសម្តីអាក្រក់ ឥឡូវរបួសខ្ញុំរើឡើង​ ខ្ញុំមិនអាចច្បាំងទៀតទេ ថ្ងៃស្អែកខ្ញុំនឹងនាំទ័ពត្រឡប់ទៅ Jiang Dong វិញហើយ។

Yuan Shao និង Yuan Shu បង្កប់ទ័ពប្រុង​កម្ចាត់ Sun Wen Tai ដើម្បី​រក​ត្រាគុជ តែត្រូវ​ Sun Wen Tai ភ្ជង់កាំបិតទាន់ ហើយចេញទៅដោយសុវត្ថិភាព។

—————————

Cao Cao ក៏បាននិយាយទៅ​កាន់ Sun Wen Tai ដែរថា «ត្រាគុជដែល​លោក​មាននោះ គ្រាន់តែ​ជា​ដុំថ្មមួយប៉ុណ្នោះ វាអាចនាំគ្រោះដល់លោក។ (ដូចគ្នានឹងសម្តីរបស់កូន Sun Wen Tai ដែរ)

————————–

Liu Biao ចៅហ្វាយក្រុង​ Jing Zhou ត្រូវ Yuan Shao ផ្ញើរសារសម្ងាត់ឲ្យសម្លាប់ Sun Wen Tai។ Yuan Shu ប្អូន Yuan Shao បែរជាផ្ញើរសារសម្ងាត់មួយទៀតប្រាប់ Sun Wen Tai ពីសារសម្ងាត់របស់​ Yuan Shao ទៅវិញ។

ចំណាំ៖

• Liu Biao អានថា លាវ ពាវ
• Sun Quan អានថា ស៊ុន ឈាន
• ​Jing Zhou អានថា ជីងចូវ
• Jiang Dong អានថា ជាំង តុង

Related Articles 

1. សាមកុក 三国
2. ផែនទីលំអិត ឈ្មោះក្រុង តំបន់
3. ភាគ១
4. ភាគ២
5. ភាគ៣
6. ភាគ៤
7. ភាគ៥
8. ភាគ៦

ច្រៀងដោយ៖ ឈួន ម៉ាល័យ

ច្រៀងដោយ៖ ពៅ វណ្ណារី

ច្រៀងដោយ៖ ពៅ វណ្ណារី

ច្រៀងដោយ៖ ពៅ វណ្ណារី

ច្រៀងដោយ៖ ពៅ វណ្ណារី

ក្រុមអ្នកវិភាគអះអាងថា សង្គ្រាមមួយដែលអាចនឹងត្រូវបានគេហៅថា​ជាសង្គ្រាម​លោក​លើកទី៣ នោះ​នឹងកើតឡើងប្រាកដ​នៅពេលអ៊ីស្រាអែល​វាយប្រហារ​ទៅលើ​មូលដ្ឋាន​នុយក្លេអែរ​របស់អ៊ីរ៉ង់។ ក្រោមការជួយជ្រំជ្រែងពីអាមេរិក​ទំហំនៃសង្គ្រាម​នឹង​រីករាល​ដាលធំយ៉ាងឆាប់​រហ័ស ព្រោះថាអ៊ីរ៉ង់មិនមែនដូចប្រទេស អ៊ីរ៉ាក់​ឬលីប៊ី​នោះទេ។ ពិភពលោកមើលឃើញច្បាស់​ថា មហាអំណាចជាច្រើនដូចជា ចិន​និង​រូស្ស៊ី​ជាដើម​នឹងឈរនៅខាងអ៊ីរ៉ង់ ប្រសិនសង្គ្រាមនេះ​កើតឡើង។ មេដឹកនាំនៃប្រទេចចិន ធ្លាប់បានប្រកាសថា ប្រសិនអាមេរិក ឬប្រទេសណាមួយ​វាយប្រហារទៅលើអ៊ីរ៉ង់ ក្រុងប៉េកាំងនឹងមានសកម្មភាពតប់តភ្លាមមិនខាន។ ខណៈនេះដែរ​ប្រភព​ព័ត៌មាន​ពីក្រសួងការពារជាតិរូស្ស៊ីបាននិយាយថា កងទ័ពនៃប្រទេសរូស្ស៊ីបានត្រៀមខ្លួនជាស្រេច​ក្នុងការប្រឈមទៅនឹងរាល់ស្ថានភាព រួមទាំងសង្គ្រាមផងដែរ។

ក្រុមអ្នកវិភាគបានសង្កត់ធ្ងន់ថា ប្រសិនសង្គ្រាមកើតឡើងនៅអ៊ីរ៉ង់​វានឹង​មិនមែន​ជាសង្គ្រាម​តំបន់នោះទេជំនួសមកវិញវានឹងក្លាយ​ជាសង្គ្រាម​មួយដែល​មានលក្ខណៈ​ទូទាំង​ពិភពលោក។​ ជាប្រទេសដែលមិនមានទំហំធំប៉ុន្មាន ប៉ុន្ដែអ៊ីរ៉ង់​គឺជា​ប្រទេស​ផលិត​ប្រេង​លំដាប់ទី ៤ក្នុងពិភព​លោក ហើយ​ប្រសិន​សង្គ្រាម​កើតឡើង​នៅក្នុង​ប្រទេស​នេះ ពិភពលោកនឹងជួបប្រទះភាពវិកវរ​មិនខាន។

ក្នុងខណៈនេះដែរ ប្រទេសមួយចំនួនដែលមានព្រំប្រទល់ជាប់នឹងអ៊ីរ៉ង់​បាន​សំដែង​ការ​ព្រួយ​បារម្ភខ្លាំង​ចំពោះស្ថានភាពនេះ។ រីឯប្រទេសរូស្ស៊ីវិញ ច្បាស់ណាស់​ថា​នឹង​ក្រោក​ឈរ​ប្រឆាំង​ទៅ​នឹងសកម្មភាពយោធាដែលនឹងត្រូវបានគេធ្វើឡើងទៅលើអ៊ីរ៉ង់។ នៅពេលរូស្ស៊ី​ចូលរួមក្នុងសង្គ្រាមនេះ​គេនឹងបាន​ឃើញយ៉ាង​ប្រាកដ​នូវការ​កើត​មាន​សម្ព័ន្ធមិត្ត​យោធាមួយរវាងចិន និងរូស្ស៊ី។ សម្ព័ន្ធមិត្តយោធានេះ​នឹងមាន​កម្លាំង​ខ្លាំង​អាច​ប្រឆាំងទៅនឹងសម្ព័ន្ធមិត្តរបស់អាមេរិក​ក្នុងនោះ​មានក្រុមប្រទេសនៅអ៊ឺរ៉ុប អាមេរិក និងអ៊ីស្រាអែល ប្រសិនពួកគេវាយប្រហារអ៊ីរ៉ង់។

លោក Lebanoidze អ្នកជំនាញការផ្នែកនយោបាយម្នាក់បានថ្លែងថា ៖ “ប្រសិនសង្គ្រាមនេះកើតឡើង កងទ័ពរូស្ស៊ីដែលមានមូលដ្ឋាននៅ Armenia (ប្រទេស សាធារណរដ្ឋចំណុះអោយអតិតសូវៀត មានព្រំដែនជាប់នឹងអ៊ីរ៉ង់)” នឹងយល់ថា ខ្លួនត្រូវបានគំរាម។ នៅពេលនោះ រូស្ស៊ីអាចនឹងបង្កើតរបៀងមួយតាមរយៈ Gruzia (ប្រទេសឯករាជពីរូស្ស៊ីបន្ទាប់ពីសូវៀតបានដួលរលំ)។

អាវុធទំនើបៗ នឹងត្រូវបានគេប្រើប្រាស់ ប្រសិនអ៊ីរ៉ង់ត្រូវបានគេវាយប្រហារ។ នៅពេលអ៊ីរ៉ង់ទទួលការវាយប្រហារ សង្គ្រាមតំបន់នឹងកើតឡើង នៅពេលនោះរូស្ស៊ី ចិននឹងលោតចូលទៅក្នុងភ្លើងសង្គ្រាម និងបង្កើតបានជាសង្គ្រាមពិភពលោក ដែលហៅថាសង្គ្រាមលោកលើកទី៣។ ក្នុងអំឡុងពេលសង្គ្រាមលោកលើកទី ៣ កើតឡើងវុធប្រល័យលោកថ្មីៗក៏នឹងត្រូវ​​បានគេប្រើប្រាស់ក្នុងនោះក៏មាននុយក្លេអែរផងដែរ។ លោក Albert Einstein អ្នកវិទ្យាសាស្ដ្រដែលមានឥទ្ធិពលម្នាក់បានថ្លែងថា ៖ “ខ្ញុំមិនដឹងថា គេនឹងប្រើប្រាស់អាវុធអ្វីខ្លះនៅក្នុងសង្គ្រាមលោកលើកទី ៣ នោះទេ ប៉ុន្ដែនៅក្នុងសង្គ្រាមលោកលើកទី ៤ ប្រទេសនានានឹងប្រើប្រាស់ដំបងឈើ និងដំថ្ម”។ សំដីរបស់ Albert Einstein បានធ្វើអោយយើងនិកឃើញថា សង្គ្រាមលោកលើកទី ៣ អាចនឹងកំទេចអ្វីៗទាំងអស់ដែលមនុស្សបានកសាង៕

Liu Bei  និង​បងប្អូនគេ​២នាក់ បាន​ជិះសេះ​ចេញទៅច្បាំង​ជាមួយ​ Lu Bu។ ការច្បាំង​នោះមិន​ទទួល​បាន​ជោគជ័យទាំង​សងខាង ដោយLu Bu  វិះនឹង​ដាច់ក្បាលម្តង​ជាពីរដង តែត្រូវLiu Bei ជួយ​សង្គ្រោះទៅវិញហើយ​ប្រាប់ Lu Bu ថា​ឲ្យឈប់បម្រើ Dong Zhuo។

សង្គ្រាម​រវាង​កងទ័ពសម្ព័ន្ធ និង Dong Zhuo បាន​ចាប់ផ្តើម​..]]]]][[[[]][]

Dong Zhuo បាន​លើករាជធានីពី Luo Yang ទៅ Chang An ថែម​ទាំង​ដុតកម្ទេច​រាជវាំង​ចំណាស់​រាប់រយឆ្នាំLuo Yang និងវិហារ​ផ្នូរស្តេច​ទៀត ទោះបី​ជា​មាន​ការជំទាស់​ពី​មន្រ្តី​ជា​ច្រើន​ក៏ដោយ។

——————-

Cao Cao ប្រាប់ Sun Wen Tai ថាពេលនេះ​មាន​លាភ២​ដាក់នៅចំពោះមុខ មួយគឺ​ដេញសម្លាប់ Dong Zhuo ពីរគឺសំរុក​ចូល​ Luo Yang ដោយ​លើកថា កាលពីប្រជុំសម្ព័ន្ធ Yuan Shao បាន​និយាយថា អ្នកណា​វ៉ៃបែក Luo Yang និងទូល​ព្រះកូណា​ឲ្យប្រទាន​ជាមេទ័ព​ធំ។ តើលោករើសយក​ផ្លូវណា? Sun Wen Tai បានរើស​យកផ្លូវទី២..

Cao Cao បាន​សុំទ័ពសេះបន្ថែមពី Sun  Wen Tai ចំនួន៣០០០បន្ថែម​ ដេញសម្លាប់ Dong  Zhuo។

———————

(ល្បិច) មេទ័ពរបស់ Cao Cao និងជាបងប្អូនជីដូនមួយដែលនោះ ឈ្មោះ Cao Ren សួរថា៖ ហេតុអី​ក៏​បងបោះបង់ Luo Yang  ឲ្យ Shun Wen Tai?

Cao Cao ឆ្លើយថា៖ ឯងគិតទៅមើល គំនរសម្រាមសំខាន់ ឬស្តេចសំខាន់ជាង?

Cao Ren សួរទៀតថា៖ ទ័ពសេះយើងតែ៤០០០ ហេតុអីក៏បងប្រាប់ Sun Wen Tai ថាមាន​ដល់១០០០០នាក់?

Cao Cao ឆ្លើយថា៖ ​បើបងមិននិយាយអញ្ចឹងទេ គេ​ព្រម​ប្រគល់ទ័ពសេះគេ៣០០០នាក់ឲ្យយើងដែរហ្អេ?

Cao Ren និយាយថា៖ លើកនេះយើង​ដេញសម្លាប់ Dong Zhuo តែទ័ពតិច ឯDong Zhuo ត្បិតបើចាញ់ តែទ័ពគេច្រើនណាស់។

Cao Cao តបថា៖ ឆ្លៀតឈ្នះតាមវាយប្រហារ មិនសំខាន់លើទ័ពតិចឬក៏ច្រើនទេ [---] សំខាន់គឺយុទ្ធសាស្រ្ត [---] ចូលជិតសត្រូវហើយ ឯងមិនបាច់ចូលច្បាំងប្រើកម្លាំង​បាយ​ទេ គ្រាន់តែរៀបក្បួនឲ្យខ្លាំងតែសម្បកក្រៅឲ្យទ័ព Xi Liang (ទ័ពរបស់ ​Dong Zhuo) ភ័យលោះព្រលឹងទៅបានហើយ [---] ហើយពេលច្បាំង កុំទៅច្បាំងជាមួយ Lu Bu ឬកាត់ក្បាល​ Dong Zhuo, ឯងគ្រាន់តែសម្រុកចូលទៅរំដោះស្តេចទៅបានហើយ។

ចំណាំ៖

1. Chang An អានថា ឆាង អាន
2. Cao Ren អានថា ឆាវ យិន ឬ ឆោវ រិន

——————————–

Related Articles

1. សាមកុក 三国
2. ផែនទីលំអិត ឈ្មោះក្រុង តំបន់
3. ភាគ១
4. ភាគ២
5. ភាគ៣
6. ភាគ៤
7. ភាគ៥

View More Photos by MENG Kim Long

———————–

Cao Cao បាន​ធ្វើ​ដំណើរ​ទៅ​ជំរុំ​ Liu Bei ក្នុង​ដៃ​នាំស្បៀង និង​ស្រា​ពីរ​រទេះ​សេះទៅ​មួយ​ចំនួន​ បំណង​លួងចិត្ត​ Liu Bei ឲ្យ​បម្រើខ្លួន​។

ពេលមកដល់​ជំរុំ​របស់ Liu Bei, Cao Cao  បាន​ពោល​ទៅ​កាន់​គេទាំង​បីថា៖

• យ៉ាង​ម៉េច នេះ​ជា​សំណាក់មេទ័ព្ធទី​១៩ហ្អេ! ប្រសើរ​ណាស់ ខ្ញុំយល់ថា​វា​មាន​អំណាចជាង​វេទិការ​សេនា​ប្រមុខ​របស់ Yuan Sao ទៅទៀត។ ព្រោះ​វេទិកា​រនោះ ត្បិតបើ​ធំមែន តែមាន​តែមនុស្ស​អត់​បាន​ការ ​និង​មនុស្សថោកទាប​តែប៉ុណ្នោះ តែផ្ទះស្បូវ​នេះបែរ​ជា​មាន​បងប្អូន​ស្នេហា​គុណធម៌​នៅ[…] ខ្ញុំ​នៅ​ក្រៅ​មួយ​រយយោជ ក៏​អាច​មើល​ឃើញ​ឬកពារក្លាហាន​ចេញ​ពី​ផ្ទះស្បូវ​នេះ​ដែរ។

Zhang Fei សើចហើយ​និយាយថា “លោក​និយាយត្រូវ​ណាស់ មិញនេះខ្ញុំ​នៅ​ជេរ​លោក​នៅឡើយ​ទេណា [---] ខ្ញុំ​ថា​លោក​លាក់ពុត សុំទោស​ផង​ណា!”

Cao Cao ពោលថា៖

• ប្អូន​ជេរ​ខ្ញុំ​ត្រូវ​ណាស់ ខ្ញុំ​សុខចិត្ត​ស្តាប់ឯង​ជេរក៏​មិន​ចង់​ស្តាប់​ពួកគេ​និយាយ​ផ្អែម​ល្ហែម ធ្វើពុតជាមនុស្ស​ល្អដែរ!” [---] “ស្រាឆ្ងាញ់អាច​ឲ្យ​អ្នក​ក្លាហានផឹក ជាសំណាង​របស់​ស្រាហើយ”

ក្នុងពេល​ជជែកជាមួយ Liu Bei, Cao Cao សួរ​ Liu Bei ថា “សុំសួរ​លោកបង​បន្តិច ចូល​សម្ព័ន្ធ​លើក​នេះ តើ​លោកបង​មាន​បំណង​អីទៅ?” ​Liu Bei ឆ្លើយ​ថា “ត្បិត​បើ​ខ្ញុំ​អសមត្ថភាព​ តែលើកស្ទួយ​ប្រទេស​ជាតិ ជា​កតព្វកិច្ច ត្រូវ​តែ​កម្ចាត់​ចោរ​ក្បត់​ ការពារ​នគរ” Cao Cao សួរទៀត​ថា “ល្អ.. ចុះធ្វើ​ដូចម្តេច​ទើប​សម្រេច​ឆន្ទៈលោក​បង?” Liu Bei ឆ្លើយ​ថា “មូល​ហេតុ​នៃ​ភាព​ច្របូក​ច្របល់​នេះ ជាចម្បង​គឺ​ស្ថិត​លើ​ចិត្ត​មនុស្ស​យើងខ្ចាត់ខ្ចាយ ហេតុ​ដូច្នេះ បើ​ចង់យក​ទឹក​ដីត្រូវ​យក​ចិត្ត​មនុស្សមុន គឺស្ថិត​លើ​ការកសាង​បុណ្យ ធ្វើ​អំពើ​មាន​គុណធម៌​ បំពេញ​ចិត្ត​កញ្ញូ”

Cao Cao ពោលថា៖

• បើគ្មាន​សង្គ្រាម​តើ​មាន​អ្នក​ក្លាហា​ន​មកពីណា [---] កើត​ក្នុង​សម័យ​សង្គ្រាម​ ជា​រឿង​អកុសល តែ​បើ​អា​ចបង្រ្កាប​សង្គ្រាម​ទៅ​ជា​សន្តិភាពវិញ គឺ​ជាសំណាង​ក្នុងភាព​អកុសល។
• ខ្ញុំ​យល់ថា​ពេល​នេះ បើ​ចង់​ការ​ពារ​នគរ គឺគ្មាន​សង្ឃឹម​ទៀត​ទេ បើ​វាយ​យក​នគរ​ទើបមាន​​សង្ឃឹម ហើយ​វិធី​វាយ​យក​នគរ​នោះ គឺស្ថិ​​ត​នៅ​លើ​កល្បយុគ។ បើ​កល្បយុគខ្លាំង គឺ​អ្នក​មាន​សមត្ថ​ភាពនឹង​មក​រក ខាង​លើ​មាន​ក្សត្រ​ឆ្លាត ខាង​ក្រោម​មានកងទ័ពខ្លាំង​”

———————–

Cao Cao និង​គ្នីគ្នា បាន​ដើរ​ចេញ​ពី​ជំរុំ​របស់ Liu Bei ។ មក​ដល់​ក្រៅជំរុំ​​ Cao Cao ពោលថា៖

• អ្នក​ក្លាហានបែបនេះ (Guan Yu និង Zhang Fei) មិនបាន​មកលើ​ខ្ញុំ បែរ​ជា​ធ្លាក់​ក្នុង​ដៃ​ Liu Bei ទៅវិញ.. គួរឲ្យស្តាយ គួរឲ្យស្តាយ​មែន!
• ម្នាក់​នេះ(Liu Bei) មិនមែន​ជា​ចាប​នៅក្នុងទ្រុង ក៏មិនមែន​ជា​ត្រី​នៅ​ក្នុងទន្លេដែរ គេលាក់មហិច្ចតាយ៉ាងធំ យើង​ម៉េច​នឹង​អា​ចប្រើ​គេ​បានទៅ សង្ឃឹម​ថាថ្ងៃក្រោយ គេ​មិន​មែន​ជាសត្រូវ​ធំ​របស់យើង​ទៅចុះ”

———————–

ក្នុង​ពេល​សង្គ្រាមរវាង Sun Jian​ ជាមួយ Dong Zhuo, ទ័ពSun Jian ឬ Sun Wen Tai ធ្វើ​ចម្បាំង​ដោយ​ឯកោរ Yuan Shu ដែល​ជា​អ្នក​គ្រប់គ្រង​ស្បៀង និង​អាវុធ បាន​ក្បត់សន្យា​មិន​បញ្ជូន​ទៅ​ទាន់ពេល​វេលា Yuan Sao ខឹង​យ៉ាងខ្លាំង។ ក្នុង​ពេលជជែកគ្នា Yuan Shu និង  Yuan Sao ទាហាន​បាន​រាយ​ការ​ពី​ដំណឹង​ចាញ់​របស់ Sun Jian។ Yuan Sao  បន្ទោស Yuan Shu ថា “ឯងឃើញទេ ពេល​Shun Jian ច្បាំង​ចាញ់ហើយ យើ​ង​នឹង​ក្លាយជា​ចោរ​វិញម្តងហើយ”

ខណៈនោះ​ Cao Cao ចូលមកដល់ ហើយ​និយាយថា “Sun Wen Tai ចាញ់ គឺស្ថិត​ក្នុង​ការ​ស្មាន​របស់ខ្ញុំ​ទៅហើយ [---] Sun Jian ច្បាំង​ឈ្នះប៉ុន្មាន​លើ​ក ក៏ក្លាយជា​ទ័ពក្អេងក្អាង កងទ័ពក្អេងក្អាង​ប្រាកដជា​ចាញ់— សុំសួរលោក​ម្ចាស់សម្ព័ន្ធ(Yuan Sao) តើ​លោក​មាន​វិធីអីដែរ?” Yuan Sao  ឆ្លើយថា​ “ប្រកាស​ដំណឹង​ចាញ់​នេះឲ្យពួក​សម្តេចនិងមេទ័ព​ផ្សេងទៀត​ដឹង បន្ទាប់មក​ប្រមូល​ផ្តុំ​ពិភាក្សារឿង​បង្ក្រា​បសត្រូវ!” Cao Cao ពោល​ថា៖

• កុំ! លោក​មិនអាច​យក​រឿង​នេះ ប្រាប់ពួកសម្តេចជាដាច់ខាត ផ្ទុយទៅវិញត្រូវ​ប្រាប់ថា Sun Jian ឈ្នះហើយ ឈ្នះធំទៀតផង ក្នុងពេលនេះ​ចាំ​តែទាំងអស់គ្នាផ្តុំ​កម្លាំង​វ៉ៃចូល​ Luo Yang តែម្តង.. បើមិន​អញ្ចឹងទេ រឿងSun Jian ចាញ់ ប្រាកដ​ជាធ្វើឲ្យ​ពួកសម្តេចខ្លាចសត្រូវ បើ​ទឹកចិត្តធ្លាក់ចុះ​ សម្ព័ន្ធនឹង​ចាញ់។”

—————————–

ក្នុង​ពិធីជប់លៀង អបអរជ័យជំនះក្លែង​ក្លាយ​របស់​ Sun Jian, កងទ័ព​របស់​ Dong Zhuo ក៏​មក​ដល់ដែរ។ Lu Bu កូនធម៌​របស់ Dong Zhuo និង​ជា​មេទ័ពខ្លាំងទី​១ បាន​ស្រែកពីក្រៅ​ក្រុង​ ឲ្យ​ពួក​សម្ព័ន្ធលើក​ទ័ព​ចេញ​ច្បាំង​នឹង​ខ្លួន។ មេទ័ពប៉ុន្មាន​នាក់ ចេញច្បាំងសុទ្ធ​តែ​ត្រូវ​ Lu Bu កាត់​ក្បាល​ទាំអស់ ខណៈនោះមេទ័ពក្នុង​ជំរុំ​ក៏ភិតភ័យផង ហើយ​ក៏​ឈ្លោះគ្នារំឮក​​ដេញ​ដោល​ដែល Yuan Shu កាត់​ស្បៀង​ពី​ខ្លួន មិនខ្វល់​ពី​ក្បួន​សឹក​ដែល Cao Cao កំពុង​ប្រាប់។ Cao Cao និង​បក្សពួកបាន​ដើរ​ចេញ​ពីហ្វូង​មនុស្ស​ទាំង​នោះហើយ​ពោល​ថា៖

• មនុស្ស​ឆេវឆាវ​គ្មាន​គំនិតទាំង​នេះ មិនសមពិភាក្សាកិច្ចការធំទេ។

ចំណាំ៖

1. Sun Jian អានថា ស៊ុន ជៀន / Sun Wen Tai អានថា ស៊ុន វិន ថាយ
2. Luo Yang អានថា ឡក យ៉ាង
3. Lu Bu អានថា លី ពូ

—————————

Related Articles 

• សាមកុក 三国
• ផែនទីលំអិត ឈ្មោះក្រុង តំបន់
• ភាគ១
• ភាគ២
• ភាគ៣
• ភាគ៤

ដល់ពេលគ្រោះមកដល់ ទឹក​ដល់​ច្រមុះ ទើបនឹកដល់ព្រះ អោបជើងព្រះ លើក​ដៃ​សំពះ​អង្វរព្រះ ឲ្យមេត្តា ឲ្យសង្គ្រោះ​ដល់​អាត្មាខ្លួន..

ដូច​រឿងនិទានមួយតំណាលថា នៅពេលដែលលោកអាចារ្យទេសនាធម៌ព្រះ មនុស្សទាំងអស់ស្តាប់ពិរោះរហូតដល់​ងងុយ​ដេក​​គ្រប់គ្នា​..

នៅពេលដែលតៃកុងឡានមួយបើកបរលឿនមិនបន្ថយ ប្រឈម​នឹ​ង​គ្រោះថ្នាក់​ មនុស្សក្នុងរថយន្តក៏លើកដៃបន់ស្រន់ សូត្រធម៌​ឡើង​ញឹក​ស្អេក សុំឲ្យព្រះថែរក្សាខ្លួន សច្ចារ​សាង​កុសល​ ដាក់ទាន ផ្សេងៗ​ជាថ្នូរ  នេះមួយគ្រា..

រឿងអស់​សំណើច​មួយ.. ដល់ពេលលោកអាចារ្យ និងតៃកុងឡានស្លាប់ទៅ ព្រះកាត់ទោសលោកអាចារ្យឲ្យចុះ​នរក ឯតៃ​កុង​ឡាន​ក៏​ឲ្យ​ឡើង​ឋានសួគ៍ ត្បិត​អី​លោក​តៃកុងឡានអាច​ដាស់តឿនមនុស្សឲ្យនឹកដល់ព្រះ នឹកដល់ព្រះធម៌ នឹក​ដល់​សេចក្តីល្អ..

វា​គ្រាន់​តែជា​រឿង​និទាន​ខ្លី​មួយ​ប៉ុណ្នោះ..

រដូវច្រូតកាត់

ចង្វាក់រាំវង់

រៀនច្រៀង៖

ថ្ងៃមិញ​បងហួចលើ​ខ្នង​ក្របី កាត់វាលស្រែ​ស្រី​លើក​ដៃសញ្ញា​………–.. ល្ងាច​អូន​ច្រូត​កាត់​ហើយ​ តោះ! យាត្រា ទៅ​កំពង់ទឹក​​​​ដែលតែង​ជួបគ្នា ក្នុងក្អម​លាក់​នំ​ឆ្ងាញ់អស្ចារ្យ មានបារី​ម្លូស្លា ផ្ញើរបងផង រួច​យើង​ងូត​ទឹកលេង ដៃរាវរកគ្នា​ ហើយ​សាសង ថាទៅលេង​រាំវង់..

យប់នេះ​ខែភ្លឺកណ្តាលស្រែពៅ សុំពុកម៉ែទៅកុំនៅបង្អង់ បងឡើង​យកទឹកត្នោត​មួយបំពង់ ផ្ញើរអូន​ញុំា​ក្នុង​ពេល​លេង​រាំវង់ បង្ការ​ក្រែងហត់ញ័រជង្គង់ ស្រស់ស្រីមាសទ្រង់​លើសកញ្ញា ពួកយើង​រាំ​យើង​ច្រៀង ពេលចូលឆ្នាំថ្មី ស្រីលក់ផ្កា​ តាម​ប្រពៃណី​ខ្មែរ..

photo by Meng Kimlong

​ “នាយករដ្ឋមន្ត្រី​៖ មកដល់ពេលនេះ ពលករ​ខ្មែរ​ទៅ​បម្រើ​នៅក្រៅ​ប្រទេស​ជិត ២ សែន​នាក់”

លោក​នាយករដ្ឋមន្ត្រី​ដែល​តំណាង​ឲ្យរដ្ឋាភិបាល​​បាន​លើក​ឡើងថា រដ្ឋាភិបាល​មាន​កិច្ចសហប្រតិបត្តិការ​ល្អ​ណាស់ ជាមួយ​ស្ថាប័ន​ពាក់ព័ន្ធ និង​ដៃគូ​ផ្សេងៗ ដើម្បី​ធានា​សុវត្ថិភាព សម្រាប់​ពលករ​ខ្មែរ ដែល​កំពុង​បំរើការ​ងារ​នៅ​បរទេស ចំនួន ១៧៧.៤០២ នាក់ ។

ពួក​គេត្រូវបាន​បញ្ជូនទៅ​ធ្វើកា​រ នៅក្នុង​ប្រទេស​ថៃ ម៉ាឡេស៊ី ជប៉ុន និង​កូរ៉េខាងត្បូង​។ រដ្ឋាភិបាល​បាន​ប៉ាន់ប្រមាណ​ថា ក្នុង​មួយឆ្នាំ ពួកគេ​អាច​ផ្ញើ​ប្រាក់​ជា​មធ្យម​ប្រហែល ១៨០ លាន​ដុល្លារ មក​ប្រទេស​កម្ពុជា ដែលជា​ប្រទេស​កំណើត​របស់ខ្លួន​។​

———————-

​រដ្ឋាភិបាល​ហាក់បី​ដូចជាមានអំណួត​ តែសម្រាប់ខ្ញុំ ខ្ញុំថា​គួរឲ្យ​អាម៉ាស់​ខ្លាំងណាស់ ដែល​ខ្លួនគ្មាន​សមត្ថភាពគ្រប់គ្រាន់​បង្កើតការងារឲ្យ​ពលរដ្ឋខ្លួន​ធ្វើក្នុងស្រុក ដែលមាន​ប្រាក់បៀរវត្តន៍សមរម្យ​ រស់នៅជួបជុំ​គ្រួសារ ជួបជុំ​ជាតិសាសន៍ឯង។ តើ​នរណាទៅ ដែលចង់ឆ្ងាយពី​ស្រុកកំណើត​? តើ​នរណាទៅដែល​ចង់ទៅធ្វើខ្ញុំគេ​ដល់​ចម្ងាយរាប់ពាន់​គីឡូ​ពីស្រុក? តើ​នរណាទៅ​ចង់​ឃ្លាតចាក​ពីក្រុមគ្រួសារខ្លួនឯង? ​

​តួរលេខខាង​លើនេះ ជា​តួរលេខអ្នកធ្វើការ​ស្របច្បាប់ នេះមិនទាន់​រាប់អ្នក​ផ្សងព្រេងចូល​កាប់ឈើ​ដីគេ​លើ​ភ្នំដងរែកដែល​គេ​បាញ់​ស្លាប់ស្ទើរ​រាល់ថ្ងៃ អ្នក​ដើរកប៉ាល់​ផ្សង​ព្រេង​លើ​មហាសាគរ អ្នក​ទៅធ្វើសំណង់​ដោយ​ខុសច្បាប់​​នៅ​ប្រទេសសសៀម ខ្លះ​ក៏ញៀន​គ្រឿងញៀនផង ខ្លះធ្វើ​ស្រីខូចផង អ្នកបំរើតាមផ្ទះ​ដែល​ត្រូវ​គេរំលោភបំពាន​ផង ស្លាប់នៅ​ឯស្រុកគេ​ខ្លះផង។ល។ បើ​រាប់​បងប្អូនទាំង​នោះផង ប្រហែល​ប្រាក់ចំណូល​ជិត​ដល់២០០លានដុល្លាឯណោះ។

អួតទៅ អួតនឹង​កម្សោយ​របស់ខ្លួនទៅ! រដ្ឋាភិបាល​ដែល​អសមត្ថភាព​ទប់ស្កាត់ចំណាក​ស្រុក​របស់​ប្រជាពលរដ្ឋ​ គ្មាន​សមត្ថភាពបង្កើត​ការងារ​ឲ្យប្រជាពលរដ្ឋមាន​បៀរវត្តន៍​គ្រប់គ្រាន់ គិត​តែពីសម្បទានដី​ធ្លី​​រាប់សិបឆ្នាំ ដោយមិន​ដោះស្រាយ​ឲ្យបាន​ត្រឹមត្រូវ​ពី​ទឹក​ភ្នែក​រាស្រ្ត​ដែល​ជួប​ផលវិបាក ដែល​ត្រូវ​គេរំលោភបំពាន! ខ្មែរអើយខ្មែរ!

ជួនពេល Cao Cao បាន​មក​ដល់ បាន​និយាយ​ទៅកាន់អ្នកយាមទ្វារថា៖

• លោកមេទ័ព! លោក​មិនស្គាល់អ្នកក្លាហានទាំង​បីនេះ អញ្ចឹង​តើលោក​ស្គាល់ខ្ញុំទេ?
• មុនខ្ញុំ​ធ្វើឃាត Dong Zhuo ខ្ញុំក៏ជា​មនុស្ស​គ្មាន​ឈ្មោះ​ដូចពួកគាត់​អញ្ចឹងដែរ។ លោក​ម៉េច​នឹង​ដឹង​ថា មនុស្ស​ដែល​គ្មាន​ឈ្មោះ​ថ្ងៃនេះ ថ្ងៃក្រោយអាច​ល្បីឈ្មោះឬក៏អត់ទៅ! បើមានថ្ងៃណាមួយ ពួក​គេ​ពិត​ជា​ល្បីឈ្មោះមែននោះ តើ​ឯងស្តាយក្រោយ​នូវទង្វើរ​របស់ឯង​នៅថ្ងៃនេះទេ?

Liu Bei, Guan Yu, និង Zhang Fei បាន​ចូល​ក្នុង​ជំរុំសម្ព័នជាមួយ​ Cao Cao។

——————————-

Cao Cao និងបក្សពួក​ត្រូវ​បាន​ស្វាគមន៍ពី​ពូកសម្តេចនិងមេទ័ពក្នង​សម្ព័ន្ធ ដោយ​ពាក្យ​សរសើរ​ពី​ភាពក្លាហានហ៊ានធ្វើឃាត Dong Zhuo។ ចំណែក​ឯ Liu Bei, Guan Yu, និង Zhang Fei មិន​ត្រូវបានគេ​សួរនាំឡើយ​។ Cao Cao បាន​ចេញមុខ​ណែនាំអ្នកទាំងបីឲ្យពួកសម្តេច។ Yuan Shao សួរថា តើពួកលោកជាអ្នកណា? មានឋានៈអីដែរ ហើយធ្វើការងារអីដែរ?

Liu Bei បានណែនាំឈ្មោះ ហើយប្រាប់ពី​នាម​ត្រកូលខ្លួនថា ខ្លួនជាប់ខ្សែរាជវង្ស Han សព្វថ្ងៃគ្មាន​តួនាទីអីទេ ជា​អ្នកចាក់កន្ទេល ប្អូនទី២ Guan Yu ជាអ្នក​យាមទ្វារ ប្អូនទី៣ Zhang Fei ប្រកបរបរ​លក់ស្រា និងសម្លាប់ជ្រូក។

គ្រាន់តែណែនាំឈ្មោះគ្មាន​នរណាគេ​ជឿទៅហើយថា Liu Bei ជាប់ខ្សែរាជវង្ស នៅនិយាយ​ពីការងារកំប៉ិកកំប៉ុក​របស់ខ្លួន​ទៅកាន់ហ្វូងមនុស្ស​ដែលមាន​ឋានៈសុទ្ធជាមេទ័ព និងសម្តេច បានធ្វើឲ្យ​សម្លេង​សើច​ និង​ ការ​មើល​ងាយ​បាន​ឮឡើង។ Cao Cao ​បានចេញ​មក​និយាយថា៖

• តែខ្ញុំ​យល់ថា កូនចៅស្តេចមួយ​ទាំងមូល អាចនៅ​មុខ​មហាជន ​និង​អ្នកក្លាហាន​គ្រប់រូប​ ហ៊ាននិយាយ​ពីត្បាញកន្ទេល​ លក់ស្រា និងសម្លាប់ជ្រូក​ដោយ​ម៉ឺងម៉ាត់​យ៉ាងនេះ បញ្ជាក់ថាឆន្ទៈពូកគេ​មិន​មែន​ធម្មតា​ទេ។

Yuan Shao សួរថា តើពួកលោកមានគ្នាប៉ុន្មាននាក់? Liu Bei ឆ្លើយថា​ “រួមទាំងខ្ញុំ ៣នាក់”។ មនុស្ស​ទាំង​អស់​សើចចំអកថាពួក​សម្តេចនៅទីនេះ យ៉ាងហោចណាស់​ក៏មាន​ទ័ពជាង​មួយម៉ឺន​នាក់ដែរ តែLiu Bei មានគ្នា​តែ​បីនាក់​ បែរជា​ចូលមកក្អេងក្អាង​ទៅកើត​ដែរ (សម្លេចសើចបន្លឺឡើង)។

Liu Bei ឆ្លើយថា៖

• សង្គ្រោះនគរ ស្ថិតលើចិត្តស្មោះ មិនស្ថិតលើគ្នាច្រើនទេ។

Yuan Shao បាន​ឲ្យគេ​យក​កៅអីតូចមួយ​ដាក់នៅចុងក្រោយ​គេឲ្យ Liu Bei  អង្គយ។ Liu Bei មិនខ្វល់ពី​ការ​មើលងាយ ក៏ទៅអង្គុយ ឯប្អូនទី៣ គឺមិនពេញចិត្តទេ។

——————————-

Cao Cao បាន​ចាប់ផ្តើមមុនគេ ហើយ​យក​រាជសារ(ក្លែងក្លាយ)មួយ​ ឡើង​អានខ្លាំងៗទៅកាន់ពួក​សម្តេចនិង​មេទ័ព។ មន្រ្តីក្នុង​រោងជំនុំ លុតជង្គង់ស្តាប់រាជសារ​ដែល​ Cao Cao អាន​។ បន្តិចក្រោយមក​បន្តិចគ្រប់គ្នាឆ្ងល់ថា ​ ស្តេច​នៅក្មេងណាស់ ទើបព្រះជន្ម៩វស្សា​ ហើយ​ត្រូវ​ Dong Zhuo ឃុំ​ក្នុង​ដំណាក់ ហេតុអី​ក៏អាច​សរសេរលោហិត​មួយ​ប្រើពាក្យម៉ឺងម៉ាត់​យ៉ាង​នេះបាន?

Cao Cao ពោលប្រាប់ពី​មូលហេតុ​ការដែលខ្លួន​សរសេរ​រាជសារក្លែងក្លាយថា៖

• រាជសារដែល​នៅក្នុងដៃខ្ញុំ តើ​មាន​មួយម៉ាត់​ណា​ដែល​មិនមែន​ជា​សម្តីស្តេចចង់និយាយ​ តែមិនអាច​និយាយបាន​នោះ! ត្បិតតែក្លែងក្លាយ តែពិត​ជា​ងរាជសារពិត​ទៅទៀត ឲ្យ​តែប្រកាស​ចេញទៅបាន ពួកចោរក្បត់ប្រកដជាញាក់សាច់ អ្នកក្លាហាន​ក៏រិតតែកោះករទៅទៀត។

ក្នុងខណៈពេល​ដែល​ Cao Cao កំពុង​តែ​និយាយពី​ផែនការ​របស់ខ្លួន ក្នុង​ការ​វាយ​ Dong Zhuo ។ ទ័ព Xi Liang របស់​ Dong Zhuo ដឹកនាំ​ដោយ​មេទ័ពខ្លាំងទី៤ឈ្មោះ Hua Xiong បាន​លើក​មក​ដល់ទ្វារក្រុង​។

សង្គ្រាម​ដំបូង មេទ័ពរបស់​ពួក​សម្តេចទាំងនោះ​អ្នកទី១ដល់ទី៣ សុទ្ធតែ​ត្រូវបាន Hua Xiong វាយ​ឲ្យធ្លាក់ពីលើ​សេះស្លាប់ទាំងអស់។ Guan Yu បាន​ចេញមុខ​ទៅ​ប្រយុទ្ធ។ Liu Bei ​បាន​សន្យា “បើ​កាត់ក្បាល Hua Xiong មិនបាន យើង​សុខចិត្ត​ស្លាប់ទាំង​បីនាក់។”

Guan Yu ជា​បុរសមុខក្រហម ចិញ្ចើមបះ មុខពោរពេញ​ដោយ​អំណាច បានចេញប្រយុទ្ធ គ្រាន់តែទម្លាក់​កាំបិតបុក​និង​ដី អនុភាព​បានធ្វើ​ឲ្យសេះរបស់ Hua Xiong ភ័យ​ឡើង​កញ្ជ្រាវ។ Guan Yu បោសសេះទៅមុខ​ចេញ​ស្នៀតមិន​បាន​មួយ​​ទឹកផង ក៏កាត់ក្បាល Hua Xiong យក​មក​បោះ​នៅមុខ​ពួកសម្តេចទាំងនោះ។ ពួក​សម្តេចសម្តែង​ការភ្ញាក់ផ្អើលយ៉ាងខ្លាំង​ មិននឹកស្មានថាអ្នក​យាមទ្វារ បាញ់ព្រួញម្នាក់ ពិត​ជា​ពូកែយ៉ាងនេះ។

————————

ក្រោយ​ពេល​ Liu Bei បងប្អូនទាំង​បី បាន​ដឹកនាំប្រយុទ្ធមួយគ្រា​ជាមួយ​ទ័ព Xi Liang បាន​ជ័យជម្នះ។ Yuan Shu ដែល​ជា​អ្នក​កាន់​ស្បៀង មិន​គោរព​ពាក្យ​ដែល​ Yuan Shao បាន​សន្យា មាន​មាសមួយពាន់តម្លឹង សេះមួយរយក្បាល ព្រម​ទាំងស្បៀង។

ចំណាំ៖

1. Liu Bei អានថា លាវ ប៉ី
2. Guan Yu អានថា គ័ន អ៊ី ឬ គួន អ៊ី
3. Zhang Fei អានថា ចាង ហ្វី
4. Han អានថា ហាន
5. Xi Liang អានថា ស៊ី លាំង ឬ ស៊ី លាង
6. Hua Xiong អានថា ហ័រ ស៊ុង ឬ ហួ សួង
7. Yuan Shu អានថា យាន ស៊ូ

—————————

Related Articles 

• សាមកុក 三国
• ផែនទីលំអិត ឈ្មោះក្រុង តំបន់
• ភាគ១
• ភាគ២
• ភាគ៣

• Cao Cao  អ្នកទោស​ធ្វើ​ឃាត​ Dong Zhuo បរាជ័យ​មក​សួរសុខទុក្ខ។ បើសិន​ជា​យក​ក្បាល​Cao Cao ចូល​រាជធានី រាជការឲ្យ​រង្វាន់​មួយម៉ឺន​តម្លឹង​​ តែង​តាំង​ជា​សម្តេច។ នៅ​មាន​ Chen Gong Tai ទៀត បើ​យកក្បាល​គេបាន រាជការ​ឲ្យ​ហាសិប​តម្លឹង។

Chen  Gong Tai ឆ្ងល់ពីទង្វើរ​របស់ Cao Caoជាខ្លាំង ។ Cao Cao  ពោលថា៖

• Li Bo Shi មេភូមិ​នៅទីនេះ គឺ​ជា​​បងប្អូនធម៌ឪពុក​ខ្ញុំ គាត់​ស្នេហា​គុណធម៌​ខ្លាំង​ណាស់ មិន​ក្បត់​នឹង​មិត្ត​ភក្តិទេ។ ផ្ទុយ​មកវិញ បើប្រាប់​ប្រវត្តិ​ពិត​ដល់គាត់ទៀត​នោះ បែរ​ជា​អាច​ធ្វើ​ឲ្យ​គាត់​គោរពទៅ​វិញ។

Li Bo Shi បាន​ឲ្យ​គេ​បើកទ្វារ​​ហើយ​ស្វាគមន៍​Cao Cao យ៉ាង​រីករាយបំផុត​ឲ្យ​ចូល​ភូមិ។ Li Bo Shi បាន​ចេញ​ពី​ភូមិ​ចូល​ក្រុង​ដើម្បី​ទិញ​ស្រា​​ទទួល​ Cao Cao។

បន្តិច​ក្រោយមក សម្លេង​សំលៀង​កាំបិត បានធ្វើ​ឲ្យ​ Cao  Cao និង Chen  Gong  Tai កើត​ចិត្ត​សង្ស័យ ខ្លាច​អ្នក​ភូមិ​លួច​ធ្វើ​ឃាត​យក​ក្បាល​ដូរ​រង្វាន់ ក៏​ដាច់ចិត្ត​សម្លាប់​អ្នក​ភូមិ​មុន​ជា​ការការពារខ្លួន។

ការ​សង្ស័យ​របស់​ Cao Cao ​បង្កើត​ឲ្យ​មាន​​ក្តីរន្ធត់ មនុស្ស​ទាំង​អស់​ក្នុង​ភូមិ​ត្រូវ​បាន​សម្លាប់ ក៏ប៉ុន្តែ​​ការ​សង្ស័យ​របស់​គេគឺខុស​ទាំង​ស្រុង ក្រោយ​ពី​ឃើញ​ជ្រូក​ពពែ​ក្នុងទ្រុង​ដែល​អ្នក​ភូមិ​មាន​បំណង​សម្លាប់​ធ្វើ​ម្ហូប​ទទួលខ្លួន​។

Cao Cao និង Chen Gong Tai បាន​រត់ចេញ​ពីភូមិ ហើយ​ក៏ជួប Li Bo Shi នៅ​តាម​ផ្លូវ។ Cao  Cao បាន​សម្រេចចិត្ត​សម្លាប់ Li Bo Shi ដែល​មានគុណ​​នឹង​ខ្លួន។ ទង្វើ​របស់​  Cao Cao ត្រូវ​បាន​ Chen Gong Tai ថ្កោស​ទោស​យ៉ាង​ខ្លាំង។ Cao Cao ខុស​ម្តង​ហើយ​ម្តងទៀត។ Cao Cao ពោលថា៖

• គឺព្រោះ​តែ​ច្រឡំសម្លាប់ទៅហើយ ដូច្នេះ​ត្រូវ​តែជម្រះស្មៅទាំង​ឬ​ស​តែម្តង។ បើ Li Bo Shi ត្រឡប់ទៅវិញ ឃើញគ្រួសារគាត់​ជាង​ដប់នាក់​ត្រូវ​យើង​សម្លាប់ តើគាត់​មិន​ខឹង​ មិនភ័យ មិន​ចាត់មនុស្សឲ្យ​តាមសម្លាប់​យើង​ទេហ្អេ? មាន​តែសម្លាប់គាត់ទើប​គ្មាន​គ្រោះ​ថ្នាក់ទៅថ្ងៃក្រោយ។

Chen Gong Tai សួរថា៖

• ឯ​ង​ទទួល​គុណមិនសង ដឹងខុសហើយ​នៅ​សម្លាប់គេទៀត តើ​ឯងនៅមានចិត្តធម៌ទេ?

Cao Cao ពោលថា៖

• ខ្ញុំ​សុខចិត្ត​ក្បត់គេ មិន​ឲ្យគេក្បត់ខ្ញុំទេ! ខ្ញុំ​សុខចិត្ត​ក្បត់មនុស្ស​នៅក្នុង​លោក​ តែមនុស្ស​នៅក្នុង​លោក​មិនអាច​ក្បត់ខ្ញុំ​បាន​ទេ!
• អ្នក​ស្លាប់មិនអាច​រស់​ឡើង​វិញបាន ចំណែកអ្នករស់​ត្រូវ​រែកកិច្ចការធំ។
• អុំប្រុស! ​មិនមែនខ្ញុំ​សម្លាប់អុំទេ គឺសម័យសង្គ្រាម​នេះ​សម្លាប់អុំ ខ្ញុំឈឺចិត្តណាស់។
• ក្នុង​សម័យសង្គ្រាមនេះ​មាន​តែអ្នក​ខ្លាំងទេ ទើប​មាន​សិទ្ធនិយាយ​គុណធម៌ ឯអ្នក​ខ្សោយ​គឺមាន​តែ​ត្រូវ​បោះបង់​ចោល​ប៉ុណ្នោះ។
• តាំង​ពីបុរាណកាលមកគឺ មហាអាក្រក់ដូចល្អ លាក់ពុតដូចស្មោះត្រង់ គុណធម៌និងចិត្ត​អាក្រក់ សុទ្ធ​តែមិនអាច​មើលដឹង​តាមសំបកក្រៅទេ។
• ប្រហែល​ជាម្សិលមិញឯងមើលខ្ញុំ​ខុស ប៉ុន្តែ​ថ្ងៃនេះ​ឯង​មើលខ្ញុំ​ខុស​ទៀត​ហើយ​ ប៉ុន្តែ​ខ្ញុំ​នៅ​តែ​ជា​ខ្ញុំ​ដដែល​ ខ្ញុំ​មិន​ដែល​ខ្លាចគេ​មើល​ខ្ញុំ​ខុស​ទេ។

យប់​នោះ Chen Gong Tai ស្ទើរ​តែមិនជឿ​ថា​ Cao Cao សម្លាប់មនុស្ស​អស់​ជាច្រើន​ហើយ​នៅ​ដេក​លក់ទៀត។ “ខ្ញុំ​សុខចិត្ត​ក្បត់មនុស្ស​នៅក្នុង​លោក​ តែមនុស្ស​នៅក្នុង​លោក​មិនអាច​ក្បត់ខ្ញុំ​បាន​ទេ!” Chen Gong Taiគិត​ថា៖ “ពាក្យ​មួយ​ម៉ាត់​នេះ​មុត​ជា​ផ្លែដាវ​ទៅទៀត ម្នាក់​នេះ​រិត​តែ​អាក្រក់ រិត​តែគ្រោះថ្នាក់ រិត​តែគួរ​ឲ្យខ្លាច​ជាង​ Dong Zhuo ទៅទៀត។ តែ​Cao Cao គ្មាន​គុណធម៌ ខ្ញុំ​មិនអាច​គ្មាន​មេត្តាទេ។”

—————–

Chen Gong Tai មិន​​ដាច់ចិត្ត​លួច​សម្លាប់ Cao Cao នៅយប់​នោះទេ គេបាន​ចាក​ចេញ​ពី​ Cao Cao។ Cao Cao បានធ្វើ​ដំណើរ​ទៅ Chen  Liang ទី​ដែល​ឪពុកខ្លួន​ភៀស​ខ្លួន​ទៅ។ Cao Cao បានពោល​ទៅកាន់ឪពុក​ខ្លួន​ថា៖

• សម័យ​វឹកវរនេះ គឺជាសម័យ​អ្នក​ក្លាហាន អាចនិយា​យ​បាន​ថាជាកាលៈទេសៈ​ដែល​បង្កើត​អ្នក​ក្លាហាន ខ្ញុំ​ចង់​លើកទ័ពបះបោរ អនុវត្ត​កិច្ចការធំ។
• អ្នក​ធ្វើ​កិច្ចការធំមិន​អាច​អត់ប្រាក់បាន តែក៏មិនមែន​ពឹង​ទៅ​​លើ​ប្រាក់ទាំង​ស្រុងដែរ ដំបូង​គឺ​​មនុស្ស។
• រកបានអ្នក​ក្លាហានម្នាក់ មានតម្លៃ​ជា​ងមាស​មួយ​សែន​តម្លឹងទៅទៀត។

Cao Cao បាន​ប្រមូល​ផ្តុំ​អ្នក​ក្លាហាន និង​កងទ័ព​ជា​ច្រើន​ពាន់នាក់។ Yuan Shao បាន​ឲ្យ​គេ​ចាត់​លិខិត​អញ្ជើញ​អ្នកក្លាហានគ្រប់​តំបន់ សម្តេចទាំង​១៨ បូក​រួម​ទាំង Cao Cao ចូល​រួម​ពិភាក្សា​កិច្ចការ​កំចាត់ ​Dong Zhuo។

Cao Cao បាន​និយា​យ​ទៅ​កាន់​ក្រុម​មេទ័ព​ដែល​ចុះចូល​នឹង​ខ្លួន​ថា៖

• ពួកសម្តេចទាំង​១៨នាក់ ដំបូង​សុទ្ធ​តែអ្នកក្លាហាន ក្នុង​ដៃម្នាក់ៗមានក​ងទ័ព​រាប់ម៉ឺន​នាក់ តើ​យើង​ប្រើ​តែ​ក្រុម​គ្រួសារ​យើង​ប៉ុន្មាន​នាក់​ ម៉េច​នឹង​អាច​ឈរជើង​នៅ​ក្នុង​ទ័ពសម្ព័ន្ធ​បាន​ទៅ!
• អ្នក​ឆ្លាតគិត​ឆ្ងាយ មើលធ្លុះ​លទ្ធផល។

គំនិត​របស់​ Cao Cao គឺ​សរសេរ​រាជសារ​​ដើម្បី​លើក​តម្កើងខ្លួន​ឲ្យ​ចូល​ចុះចំណោមក្រុម​សម្តេច​ដែល​មាន​ទ័ព​រាប់ម៉ឺ​ននាក់។ រាជសារ​គឺ​ជា​​មូលហេតុ​ដ៏​ត្រឹម​ត្រូវ​តែមួយគត់​ ដែល​អាច​ប្រកាស​វាយ​ចោរ​បាន ហើយ​មាន​តែ​ Cao Cao ទេ​ដែល​អាច​ឲ្យ​មូលហេតុ​ទៅ​ពួកសម្តេចទាំង​នោះ​លើកទ័ព​វាយ​ចោរ។

ចំណាំ៖

1. Cheng Gao អានថា ឈឹង កោវ ឬ ឈឹង កៅ
2. Li Bo Shi អានថា លី​ ប៉ ស៊ឺ
3. Chen Liang អានថា ឈិន លាំង ឬ ឈិន លាង
4. Yuan Shao អានថា យាន សោវ ឬ យាន សាវ

————————–

Related Articles

• រឿង”សាមកុក” 三国
• សាមកុក ភាគ១
• សាមកុក ភាគ២

មិត្តអ្នកអាន​ប្រហែល​ជាឆ្ងល់ហើយ​មែនទេ តើ​កំសៀវ​នេះមានទាក់​ទង​អី​ជា​មួយ​អាមេរិកាំង។ បើ​និយាយ​ឲ្យ​ត្រឹម​ត្រូវទៅ ខ្ញុំ​ត្រូវ​ហៅ​​កំសៀវ​នេះថាលោកបង​កំសៀវ ឬពូកំសៀវ ព្រោះ​អាយុកាល​កំសៀវ​នេះ ច្រើនជាង​​ខ្ញុំ​ជាង​១០ឆ្នាំ​ឯណោះ។ ម្តាយរបស់ខ្ញុំ​បាន​ប្រាប់ថា កំសៀវ​នេះ​គឺធ្វើ​ឡើង​អំពី​សំបកគ្រាប់​បែក​ដែល​អាមេរិកាំង​ទម្លាក់នៅភូមិស្ទួយ ឃុំអូម្លូ ស្រុកស្ទឹងត្រង់ ខែត្រកំ​ពង់ចាម អំឡុង​ដើមឆ្នាំ​១៩៧៥ គឺមុន​ខ្មែរ​ក្រហម​វាយបែកភ្នំពេញ​ប៉ុន្មានខែប៉ុណ្នោះ។

គួរ​រំលឹក​អតីតកាលបន្តិច​ត្រង់ចំណុច​នេះ បើ​តាម​​សៀវភៅប្រវត្តិ​សាស្រ្ត​បាន​កត់ត្រា​ទុកថា​ ចាប់​ពី​ឆ្នាំ១៩៦៨ ដល់​ឆ្នាំ១៩៧០ កងទ័ព​ខ្មែរក្រហម​​គ្រាន់តែ​ជា​កងឧទ្ទាម​តូចតាច​មួយប៉ុណ្ណោះ។ អាវុធ​យុទ្ធភ័ណ្ឌ​ក៏​មិនសូវ​ជា​មាន​អ្វី​ធំដុំ​ប៉ុន្មាន​ដែរ។ ការទម្លាក់​សម្តេច នរោត្តម សីហនុ នៅ​ឆ្នាំ១៩៧០ ដោយ​លុនណុល​និង​មាន​ការគាំ​ទ្រ​ពី​អាមេរិកកាំង​ គឺជា​របត់​ដ៏សំខាន់​មួយ​សម្រាប់​បដិវត្តន៍​របស់​ពួក​ខ្មែរក្រហម។ ក្រោយពេល​លន់ណុល​ឡើង​ក្តាប់អំណាច​ ពួក​ខ្មែរ​ក្រហម​ បាន​បង្កើត​ចលនា​តស៊ូក្នុងព្រៃកាន់​តែធំទៅៗ។ គ្រាប់​បែក​រាប់ពាន់តោនត្រូវ​បាន​ទម្លាក់អំឡុង​ពីឆ្នាំ​១៩៧០​ ដល់ ៧៥ ដោយ​យន្តហោះ​អាមេរិកដើម្បី​កំទេច​ចលនាតស៊ូទាំង​នោះ។ ឯកំសៀវ​ខាងលើនេះ គឺ​ជាសំបកគ្រាប់​មួយ​ក្នុង​ចំណោម​រាប់ម៉ឺន រាប់សែន​គ្រាប់ ដែល​ម្តាយ​ខ្ញុំ​រើស​យក​ទៅឲ្យ​ជាង​ដែក​ឆ្នៃជាកំ​សៀវ​ប្រើប្រាស់​រហូត​ដល់បច្ចុប្បន្ន​។

ស្លេស៍ត្រឹម​ប៉ុណ្នេះ សម្រាប់ប្រវត្តិសាស្ត្របន្តខ្ញុំ​នឹងមិនរៀបរាប់​ឲ្យវែងឆ្ងាយនោះទេ គ្រាន់តែចង់​បង្ហាញ​បងប្អូន​ឲ្យ​បាន​ដឹង​ខ្លះៗ​ពីប្រវត្តិ​កំសៀវ​​សាមញ្ញ​មួយ​នៅផ្ទះខ្ញុំ​ប៉ុណ្នោះ។ នៅមាន​ឧបករណ៍​ប្រើ​ប្រាស់​ផ្សេងទៀត​ ដូច​ជា​វែកឆា ស្លាបព្រា ខ្ទះ ។ល។ ដែល​ផ្ទះ​ខ្ញុំ​នៅប្រើ​នៅឡើយ​សុទ្ធ​តែមាន​ប្រវត្តិ​យូរ​លង់គ្រាន់បើ​ និយាយ​ឲ្យខ្លីទៅ សុទ្ធ​តែ​រៀមច្បងខ្ញុំទាំងអស់។

————————-

Related Articles

• ល្ខោននិយាយ៖ កំណាត់ផ្លូវចុងក្រោយ (១៩៧១-៩៦)
• មូលហេតុ​ដែល​ខ្ញុំ​មិន​គាំទ្រឲ្យ​មាន​សាលា​ក្តី​ខ្មែរ​ក្រហម

គាត់​ប្រាប់ខ្ញុំថា “សមត្ថភាពខ្ញុំមិនសូវពូកែទេ តែខ្ញុំមានទំនុកចិត្ត តែខ្វះ$“

ខ្ញុំសួរ​ថា “តើ​គេ​ត្រូវ​ការ​ប៉ុន្មាន?”

គាត់​ឆ្លើយថា “18000$$$”

ខ្ញុំ​រាប់​​ពីសូន្យ​ថយក្រោយ ១ ២ ៣ ៤ ៥ ឃើញថា​ មួយម៉ឺនប្រាំបីពាន់​ដុល្លាអាគាំងពេញបឹប! ញាក់សាច់!!!!

គ្រាន់តែប្រឡងមេធាវី គាត់ត្រូវ​ចំណាយប្រាក់ដល់​ជិត​ពីរម៉ឺនដុល្លា​។

ខ្ញុំសួរគាត់ទៀតថា៖ ចុះប្រើប្រឡងមិនជាប់ ជំហ៊ានបន្ទាប់ជាអ្វី?

គាត់ថា៖ ត្រូវ​រៀន​បន្ថែមទៀត។ នៅពេល​ដែលបញ្ចប់ការ​រៀន​មេធាវី គឺ​ត្រូវ​ចុះ​កម្មសិក្សាស្បថក្លាយ​ជា​មេធាវី​ពេញសិទ្ធ។

ខ្ញុំសួរថា៖ គេ​ស្បថយ៉ាង​ម៉េច? ហើយ​ជឿលើ​ការ​ស្បថ​ដែរទេ?

គាត់ឆ្លើយថា៖ អត់ទេ! ស្បថគ្រាន់តែ​ឲ្យហើយៗទេ។

————-

ការ​សន្ទនារវាងខ្ញុំ​និង​នាង ធ្វើ​ឲ្យ​ខ្ញុំចង់​​អាន​ប្រកាស​ខ្លួនឯង​សារជាថ្មី។ អត្ថបទ “គេចពីពុករលួយ” ដែលប្រកាស​កាល​ពីខែវិច្ឆិកាឆ្នាំ​២០១០។

កាលនោះ មាន​បងប្អូន​មិត្តអ្នកអាន​ចុច Like ច្រើន ហើយ Comment ច្រើនសមគួរ​ដែរ តែភាគ​ច្រើន​ជា​មតិ​និយាយគ្នា​លេងសើច​ច្រើនទាំង​ខ្ញុំ​ទាំងគេ។

ទាំងអស់គ្នា​អាន​អត្ថបទខាង​ក្រោម​នេះសារឡើង​វិញ​បានទេ ហើយ​ជួយ​ពិចារណាជាមួយខ្ញុំ​ទៅមើល តើ​គំនិត​ប្តី​ប្រពន្ធពីរនាក់​ខាងក្រោម​នេះ តើ​អ្នក​យល់យ៉ាង​ណាដែរ?

——————-

គេចពីពុករលួយ

ខ្ញុំ​និង​ប្រពន្ធ​ខ្ញុំ​​​បាន​ទទួល​ សញ្ញាប័ត្រ​​បរិញ្ញាប័ត្រ​សេដ្ឋកិច្ច​ជា​មួយ​គ្នា​។ ពួក​ខ្ញុំ​ខំប្រឹង​ទាំង​​​​ស្នេហា​ផង​ ទាំង​​ការសិក្សាផង​អស់​រយៈពេល​បួនឆ្នាំ​ពេញ វា​នឿយ​ហត់​ណាស់​សម្រាប់​ពួក​ខ្ញុំ​​ តែ​ថ្ងៃ​ទទួល​សញ្ញាប័ត្រ​គឺ​ជា​ថ្ងៃ​ដែល​ពួក​​ខ្ញុំ​ទន្ទឹង​រងចាំ​។

ពេល​វេ​លា​និង​ភ័ព្ទ​វាសនា​បាន​ផ្តល់​ឱកាស​ ឲ្យ​ពួក​ខ្ញុំ​ក្លាយ​ជា​ប្តីប្រពន្ធ​។ ប្រពន្ធ​ខ្ញុំ​បា្រប់​​ថា​ ប្តីប្រពន្ធ​រស់​នៅ​ជាមួយ​គ្នា​មាន​សុភមង្គល​ លុះ​ណា​តែ​ប្តី​មិន​ប្រើហឹង្សា​ដាក់ប្រពន្ធ​ ហើយ​ប្រពន្ធ​ជា​អ្នក​កាន់​លុយ​កាន់​កាក់​ទាំង​អស់​។ ខ្ញុំ​យល់​ស្រប​តែ​ឃ្លាទីមួយរបស់​នាង​តែ​ប៉ុណ្ណោះ​។ បើ​នាង​កាន់​លុយទាំង​អស់​ តើ​ខ្ញុំ​អាច​មាន​សេរីភាព​ចាយវាយ​បាន​តាម​ចិត្ត​ទេ​!។

គ្រាន់​តែ​ថ្ងៃ​ទីមួយ​នៃ​អាពាហ៍ពិពាហ៍ ពួកខ្ញុំខ្វែង​គំនិត​​គ្នា​បាត់​ទៅហើយ​។ ​នាង​សួរ​ខ្ញុំជា​ច្រើន​សំណួរ​ដែល​ចម្លើយ​មិន​យល់​ស្រប​គ្នា​ថា តើ​ពេល​ណា​​ទើប​យើង​យក​កូន​? ចុះ​បើបាន​កូន​ប្រុស​​បង​ឲ្យរៀន​អី?​ បាន​កូន​ស្រី​បង​ឲ្យ​រៀន​អី​? ​ចម្លើយ​របស់​ខ្ញុំ​ត្រូវ​នាង​បដិសេធទាំង​អស់​ នាង​មា​ន​គំនិត​​សម័យ​និយម​ដូច​ឪពុក​ខ្ញុំ​ចឹង​​។ ចម្លើយ​របស់​ខ្ញុំ​គឺ​ខ្ញុំ​មិន​ចង់​បាន​កូ​ន​ភ្លាម​ៗពេក​នោះ​ទេ​ ហើយ ​បើ​បាន​កូន​ប្រុស​ខ្ញុំ​និង​ឲ្យគេ​រៀន​ក្បាច់​​​​គុន​ល្បុកតោ​ខ្មែរ​ បន្ទាប់​ពី​ម៉ោង​សិក្សាមុ​ខវិជ្ជាដែល​គេ​ជ្រើស​រើស​ដោយ​ខ្លួន​ឯង​មួយ​​​។ ឯកូន​ស្រី​ខ្ញុំ​និងឲ្យ​រៀន​របាំ​ព្រះ​រាជទ្រព្យ​ បន្ទាប់​ពី​មុខវិជ្ជាមួយ​ដែល​នាង​ជ្រើស​រើស​ខ្លួន​ឯង​ដូចគ្នា​។​ ប្រពន្ធខ្ញុំ​ថា​ ខ្ញុំ​បុរាណ​ណាស់​ សម័យ​នេះហើយនៅឲ្យ​ក្មេង​ទៅ​រៀន​បែបបទបុរាណ​ចឹងទៀត​។

វា​បញ្ច្រាស​​ពី​គំនិត​របស់​ខ្ញុំ​​ ខ្ញុំ​ចង់​ឲ្យកូន​ប្រុស​រៀន​ក្បាច់គុន​បុរាណ​ ដោយសារ​ខ្ញុំ​ចង់ឲ្យកូន​ចេះ​​ស្រឡាញ់​វប្បធម៌​របស់​ខ្លួន​ ម្យ៉ាង​ចង់​ឲ្យ​កូន​រឹងមាំ​មិនទន់ជ្រាយ​ដូច​ក្មេង​ៗ​សម័យឥឡូវ​ ដែល​រូបរាង​និង​អត្តចារិត​ការ​ស្លៀកបំពាក់​សម្តីសំដៅ​ស្ទើរ​ក្លាយ​ជាមនុស្ស​ ស្រី​ទៅហើយ​។ ឯកូនស្រី​ក៏មិនខុសគ្នា​ដែរ​ ក្រៅ​ពី​ចង់​ឲ្យគេ​ចេះ​ស្រឡាញ់​វប្បធម៌ខ្លួន​ ខ្ញុំ​ចង់​ឲ្យគេ​ក្លាយ​ជា​កូនស្រី​ដែល​ទន់ភ្លន់​សុភាពរាបសារ​​ មិន​ភ្លើត​ភ្លើន​តាម​សង្គម​​ ខុស​ពី​ក្មេង​ៗសម័យឥឡូវ​ចេះ​តែធ្វើខ្លួន ឈ្លក់នឹង​ក្រេមម្ស៉ៅ​ ស្លៀកលេចលើ​លេច​ក្រោម​។​ ទស្សនៈ​និង​ការ​យល់ឃើញរបស​ខ្ញុំ​ត្រូវ​ប្រពន្ធ​ខ្ញុំ​ច្រាន​ចោល​ ដោយមូល​ហេតុ​ គឺខ្ញុំ​គំនិត​បុរាណ​ពេក។

នាង​ចង់​ឲ្យ​កូន​ប្រុស​រៀនច្បាប់​ដើម្បី​​ ធ្វើ​មេធាវី​ឬតុលាការ​ ឯកូនស្រី​រៀន​ពេទ្យ​ដើម្បី​ក្លាយ​ជា​ដុកទ័រ។ នាង​ថា​មុខវិជ្ជា និង​របរ​ខាង​លើ​នេះ​ ពេលរៀន​ចប់​គឺ​អាច​កើប​លុយ​បាន​​យ៉ាង​ស្រួល​។ ហេតុផល​របស់នាង​ដូច​ហេតុផល​ឪពុក​ខ្ញុំ​កាល​ពី​មុន​ណាស់​ គឺ​ពេលដែល​ខ្ញុំ​ត្រូវ​ចូល​រៀន​មហាវិទ្យាល័យ។

ខ្ញុំ​មិន​ចង់​ឲ្យ​កូន​រៀន​មុខ​វិជ្ជា​ទាំង ​ពីរ​នេះ​ទេ​​ បន្ថែម​មួយ​ទៀត​គឺ​គ្រូបង្រៀន​រដ្ឋ។ ខ្ញុំ​គិតថា​​បើ​រៀន​មុខវិជ្ជា​អស់​នេះ​ គឺវា​ប្រឈម​នឹង​មុខ​ប្រជាជន​ ប្រឈម​និង​ពាក្យ​ជេរប្រទិច​ផ្តាសា​​ និង​ការ​ស្អប់​ខ្ពើម​របស់​ប្រជាជន​។ រៀន​មុខវិជ្ជា​អស់​នេះ​គេច​មិនផុត​ពី​ពុក​រលួយ​នោះ​ទេ​៕

ក្នុង​គុក​ ចៅហ្វាយស្រុក Zong Mou ឈ្មោះ Chen​ Gong Tai បាន​ចូលទៅជជែក​ជាមួយ​ Cao Cao។ មន្រ្តី Chen បាន​សួរ​ Cao Cao ថា “តាមខ្ញុំដឹង Dong Zhuo ល្អនឹងឯងណាស់ ហេតុអី​បាន​ជាឯង​ចង់ធ្វើបាប Dong Zhuo？

Cao Cao បាន​ពោលថា

• មនុស្សតូចតាចមិនដឹង​ពីឆន្ទៈអ្នកធំទេ។
• និយាយឲ្យត្រង់ទៅ ចំពោះរឿងធ្វើឃាតនេះ ខ្ញុំស្តាយក្រោយខ្លាំងណាស់។ (ពាក្យនេះ​មាន​ន័យថាម៉េច?)
• Cao Cao ខ្ញុំជាស្អីដែរ? ខ្ញុំគូរតែស្រែកអំពាវនាវ​ឲ្យ​អ្នក​ក្លាហាន​លើ​លោកនេះបង្កើតជា​កងទ័ពកម្ចាត់​ចោរក្បត់ ស្រោច​ស្រង់ទឹក​ដីឡើង​វិញ រំដោះរាស្រ្តឲ្យ​រួចពី​ទុក្ខវេទនា ធ្វើ​កិច្ចការធំ​ដ៏មហិមាមួយ នេះទើប​ជា​កិច្ចការ​ដែលខ្ញុំ​ត្រូវ​ធ្វើ​ តែក៏ជា​កិច្ចការ​ដ៏លំបាកជាងគេ​បង្អស់ដែរ ឯចំណែកខ្ញុំ ខ្ញុំរើស​អា​ងាយស្រួលជាងគេ ដើរ​ផ្លូវកាត់កាន់កាំបិតទៅសម្លាប់ Dong Zhuo។
• ខ្ញុំធ្វើឃាត Dong Zhuo មើលទៅជាទង្វើក្លាហាន តែ​ក្លាហាន​តែសម្បកក្រៅ តែល្ងង់ខ្លៅជាទី​បំផុត។

ព្រោះ​តែ​សម្តី​របស់​ Cao Cao បានធ្វើ​ឲ្យ​បេះដូង​ Chen Gong Tai  រំភើប​ សុខចិត្តលះបង់អំណាចជា​ចៅហ្វាយស្រុក ប្រពន្ធកូន ធ្វើ​ដំណើរ​ទៅជាមួយ​​ Cao Cao ។

ចំណាំ៖

1. Zhong Mou អានថា ចុង ម៉ូវ
2. Chen Gong Tai អានថា ឈិន កុង ថាយ

———————-

Related Articles

• សាមកុក ភាគ១
• រឿង “សាមកុក”

• “កូន​​ប្រុស​ពេញសំណាក់​ តែបែរ​ជា​កំសាក​ដូច​ស្រីអញ្ចឹង ទោះ​ជា​ពួក​លោក​យំតាំង​ពី​មេឃងងឹត​ដល់ភ្លឺក៏ដោយ ក៏មិន​អា​ចយំ​ដល់​ចោរ Dong ​ស្លាប់​បាន​ដែរ”

———————

ក្រោយ​មន្ត្រី​ទាំងអស់​ចាកចេញ​ពេល​បញ្ចប់ពីធីជប់លៀង Cao Cao ត្រូវ​បាន​អញ្ជើញ​ជា​ថ្មី​ឲ្យ​ទៅ​ជួប​ Wang Yun។ Wang Yun បាន​សុំទោស​ Cao Cao ព្រោះ​រឿង​សម្លាប់​ចោរ Dong មិនអាច​និយាយ​ក្នុង​រោង​ជំនុំបានទេ ទើប​ដាច់ចិត្ត​ធ្វើ​ជា​ខឹង​ មានចេតនា​ដេញ​ Cao Cao។

Cao  Cao ពោលថា៖

• ខ្ញុំ​មិន​មែន​ជាមនុស្ស​ដែល​ក្បត់ម្ចាស់​ដើម្បី​ស្វែង​រក​ទ្រព្យ​នោះទេ ក៏មិនមែន​ជាមនុស្ស​ដែល​ចូលចិត្ត​កុហក​គេ​នោះ​ដែរ។ .. ខ្ញុំ​ឱនលំទោន​បម្រើ​ចោរ ការពិត​គឺ​ដើម្បី​សម្លាប់​ចោរប៉ុណ្នោះ។
• អ្នក​ស្នេហាជាតិ​កម្ចាត់មនុស្ស​អាក្រក់​ជូន​នគរ​ ម៉េច​នឹង​អា​ចស្តាយ​ស្រណោះជីវិត​ខ្លួន​ឯង​​ទៅ។ បើអាច​យក​ក្បាល​របស់​ Dong Zhuo ព្យួរ​លើ​ទ្វារក្រុង​នោះ Cao Coa ខ្ញុំ​នឹង​អាច​ទុក​ឈ្មោះនៅក្នុង​ប្រវត្តិ​សាស្រ្ត​មិន​ខាន។

ចំណាំ៖

1. Cao Cao អានថា ឆោវ ឆោវ ឬ ឆាវ ឆាវ (សំនៀងខ្មែរ)
2. Wang Yun អានថា វ័ង អ៊ីន 
3. Dong Zhuo អានថា តុង ជូ
   

－－－－－－－－－－－

Related Article

• រឿង “សាមកុក”

បើ​យើង​ពិគ្រោះ​មើល​សេចក្ដី​ផ្ទៃ​រឿង​នៃ​សាមកុក​នេះ នឹង​យល់​ថា អ្នក​និពន្ធ​រឿង​នេះ​មាន​បំណង​ចង់​ចង​ក្រង​ផ្ទៃ​រឿង​ឲ្យ​ទៅ​ជា​តម្រា​ សម្រាប់​សិក្សា​ខាង​ផ្លូវ​នយោបាយ​ស្រុក​ទេស​ផង ខាង​ផ្លូវ​កិច្ចកល​ក្នុង​សឹក​សង្គ្រាម​ផង ហើយ​តែង​បាន​ល្អ​ហូរហែ គួរ​ឲ្យ​សរសើរ​ដល់​គំនិត​និង​សេចក្ដី​ព្យាយាម​របស់​អ្នក​និពន្ធ​រឿង​សាមកុក​ នេះណាស់ ។ ហេតុ​នេះ​ហើយ​បាន​ជា​រឿង​សាមកុក​នេះ​បាន​ផ្សាយ​ចេញ​ក្រៅ មិន​ត្រឹម​តែ​ក្នុង​ស្រុក​ចិន រហូត​ដល់​នានា​ប្រទេស​ផង ។

ចំពោះ​ប្រទេស​សៀម គេ​បាន​ប្រែ​រឿង​សាមកុក​ចេញ​ពីភាសា​ចិន​ជា​លើក​ដំបូង​កាលពី​ ព.ស ២៣៤៥ ក្នុង​សម័យ​ដែល​មិន​ទាន់​មាន​រោង​ពុម្ព​សម្រាប់​បោះ​ពុម្ព​សៀវភៅ​ផ្សេងៗ​បាន ​ ហើយ​គេ​ក៏​បាន​ចាត់​ការ​បោះពុម្ព​រឿង​សាមកុក​នេះ​ផ្សាយ​ជា​ច្រើន​លើក​ដែរ ។ រឿង​សាមកុក​ដែល​គេ​បាន​ចាត់​បោះពុម្ព​លើក​ក្រោយ​បង្អស់​ក្នុង​ ព.ស ២៤៧០ ប្រហែល​ជា​ច្បាប់​បោះពុម្ព​លើ​ក្រោយ​នេះ​​ហើយ​ដែល​ អ្នក​ឧកញ៉ា​វិបុលរាជសេនា “កន” តំណាង ​រាស្ត្រ បាន​ប្រែ​ចេញ​ជា​ខេមរភាសា​ចប់​សព្វ​គ្រប់ តែ​គ្មាន​ឱកាស​នឹង​បោះពុម្ព​ផ្សាយ​រឿង​នេះ​ត​មក​ជា​ច្រើន​ឆ្នាំ ។ ក្រោយ​បំផុត​លោក​បាន​យក​សំណៅ​ប្រែ​រឿង​សាមកុក​ទៅ​​ប្រគល់ឲ្យ​ពុទ្ធសាសន​ បណ្ឌិត្យ​ដើម្បី​ឲ្យ​ចាត់​ការ​បោះពុម្ព​ផ្សាយ​តាម​ត្រូវការ ។ ពុទ្ធសាសនបណ្ឌិត្យ បាន​ថ្លែង​អំណរគុណ​ចំពោះ​អ្នក​ឧកញ៉ា​វិបុលរាជសេនា​(កន) ហើយ​សរសើរ​សេចក្ដី​ព្យាយាម​ដែល​បាន​ខំ​ខ្វល់​ខ្វាយ​ប្រែ​រឿង​ដ៏វែង​នេះ​ត្រា ​តែ​ចប់​សព្វ​គ្រប់ ។ (អត្ថបទ ឈូកខ្មែរ)

—————————

នៅក្នុង​ប្លុកនេះ ខ្ញុំ​នឹង​ចាប់ផ្តើម​កត់ត្រា​ទុក​អំពី ពាក្យពេចន៍ល្អៗ ប្រយោគគួរ​រិះគិត​ មួយចំនួន​នៅ​ក្នុង​សាច់​រឿង ដោយ​ដកស្រង់ពី​ក្នុង​វីដេអូ​ដែល​ខ្ញុំ​កំពុង​តែមើល​សារចុះសារឡើង​លើក​ទី​២ ទុក​ជា​ឯកសារផង នឹង​ចែក​រំលែក​ឲ្យ​មិត្ត​អ្នក​អាន​ផង ព្រោះ​ខ្ញុំ​យល់ថា រឿង​នេះ បើ​យើង​មិន​និយាយពីក្បួនសឹក​នយោបាយទេ ល្បិចខ្លះ ពាក្យពេចន៍ខ្លះ យើង​អាច​យកមកប្រើ​ក្នុង​វិស័យជំនួញ ទំនាក់ទំនង ការគ្រប់គ្រង​និង​ភាព​ជា​អ្នក​ដឹក​នាំផង។

សូម​រង​ចាំ​អាន​ប្រកាស​បន្ទាប់ៗ ដែល​កម្រង​វីដេអូ​នេះមាន​រហូត​ដល់១១៤ចប់។

WEI អានថា វួយ ឬ អួយ / WU អានថា អ៊ូ / SHU អានថា ស៊ូ

បងប្រុស​ដ៏មហិមា​ បង​ជា​ឪពុក​ទី២របស់ពួក​យើង..

ភាគ១

ភាគ២

ភាគ៣

ភាគ៤

ភាគ៥

ផលិតដោយ WMC

ហេតុអី? ចម្លើយគឺ!!

[ទាញយក]

ច្រៀងដោយ៖ លោក ស៊ិន ស៊ីសាមុត & អ្នកស្រី កែវ សេដ្ឋា

ភ្លេងនិងទំនុកច្រៀងដោយ៖ ព្រះករុណា សម្តេចនរោត្តម​សីហនុ

អង្គារ 06 ធ្នូរ 2011 8:19 AM | សិលាពល   |   104 Views

ពុំ​មាន​ពាក់​មួក​ធ្វើ​ពី​អំបោះ​ឡែន​ដូច​សព្វ​ដង និង​ពុំ​មាន​​​សេច​ក្ដី​បំព្រាង​នៅ​លើ​​ក្រដាស​ទេ ឈរ​នៅ​ក្នុង​រង្វង់ ក្រចក​សេះ​ កាល​ពី​រសៀល​ថ្ងៃ​ចន្ទ​ម្សិលមិញ នួន ជា បង​ធំ​ទី២​នៃ​របប​ខ្មែរ​ក្រហម​​បាន​និយាយ​មួយ​ៗ​ច្បាស់​ៗ​ថា​ របប​បច្ចុប្បន្ន​​បាន​សម្រួល​ដល់​មហិច្ឆតា​យួន ក្នុង​ការ​លេប​ត្របាក់​​កម្ពុជា ។

ជន​ជាប់​ចោទ​ក្នុង​សំណុំ​រឿង​០០២​រូប​នេះ​បាន​រម្លឹក​​ដោយ​គ្មាន​តក់​ ស្លុត​ដូច្នេះ​ថា  “ហ្វដៀនយ៉ាប់ គាត់​សួរ​​ប៉ុល​ ពត ​ថា តើ​កម្ពុជា​មាន​ដី​បង្កបង្កើន​ផល​ប៉ុន្មាន​ហិកតារ កាល​ហ្នុះ​ ប៉ុល ​ពត ឆ្លើយ​ថា​មាន​៨០​លាន​​ហិកតា ប៉ុន្តែ​ដី​ដែល​ល្អ​ប្រហែល​​មាន​តែ​៣០​លាន​ហិកតារ , ដល់​ពេល ប៉ុល ពត ថា​អញ្ចឹង  ហ្វ​ឌៀន​យ៉ាប់ ថា​ហ៉្ងន​វ៉ា ជា​ភាសា​វៀត​ណាម​មាន​ន័យ​ថា ឆ្ងាញ់​ណាស់ ។ ដល់​ឥឡូវ​​ឆ្ងាញ់​មែន  កុង​ត្រា​ឲ្យ​គេ​៩៩​ឆ្នាំ ហើយ​សុទ្ធ​តែ​ដី​នៅ​ជាយ​ដែន​ទៀត ។ នេះ​ខ្ញុំ​សូម​និយាយ​ភាព​ជាក់​ស្ដែង​បន្តិច​ព្រោះ​តុលាការ​នេះ​ត្រូវ​ការ​ ការ​ពិត ត្រូវ​ការ​យុត្តិធម៌ ត្រូវ​ការ​មាន​ប្រយោជន៏ សម្រាប់​យុវជន​ជំនាន់​ក្រោយ.. ” ។

ដោយ​អតីត​អនុ​លេខា​បក្ស​កុម្មុយនិស្ត​​កម្ពុជា​វ័យ​៨៥ឆ្នាំ​រូប​នេះ​បាន​ និយាយ​នៅ​ចំពោះ​មុខ​អ្នក​​ចូល​រួម​ដែល​ភាគ​ច្រើន​ជា​សិស្ស​​ដោយ​សម្លេង​ ខ្លាំង​ៗ​ដូ​ច្នេះ​ថា ” ចាំ​ឲ្យ​ច្បាស់​អ្នក​ណា​មិត្ត អ្នក​ណា​សត្រូវ ” ។​ជា​មួយគ្នា ​នួន ជា ក៏​បាន​ច្រាន​ចោល​ផង​ដែរ ចំពោះ​ការ​ចោទ​ប្រកាន់​ថា​របប​ខ្មែរ​ក្រហម​​បាន​​សម្លាប់​រង្គាល​ជនជាតិ​ ខ្មែរ​គ្នា​ឯង ហើយ​បាន​ទម្លាក់​កំហុស​ទៅ​លើ​យួន ។ ដោយ​លើក​ឡើង​ថា ​ផែន​ការ​​ដ៏​អាក្រក់​ទាំង​នេះ​ត្រូវ​បញ្ជា​ពី​ទី​ក្រុង​ហា​ណូយ , យួន​លេប​កម្ពុជា ដូច​ពស់​ថ្លាន់ លេប​ក្ដាន់ ៕

អត្ថបទទាំងស្រុងពី សារព័ត៌មានសេរី

—————————————–

Related article

• មូលហេតុ៣យ៉ាងដែល​ខ្ញុំ​មិន​គាំទ្រ​ឲ្យ​មាន​សាលា​ក្តី​ខ្មែរ​ក្រហម

ភាគ១​

ភាគ២​

ភាគ៣

ភាគ៤

ភាគ៥

ភាគ៦

ផលិតដោយ WMC

សម្លឹង​មើល​អ្នក ធ្វើ​ឲ្យ​ខ្ញុំ​នៅ​តែ​នឹកនា នឹក​ដល់​មាណវីចិន្តា​ស្រី ទោះ​បី​អូន​ចេញ​ឆ្ងាយ​ពី​បង​ទៅហើយក្តី តែ​ចិត្ត​កវី​នៅ​តែ​ចាំ​ចង​ភូមិ​ឋាន​ស្នេហ៏​នេះ​ដ៏រាប..

ចិន្តា​បងហ្អើយ បើទោះអូន​ខឹង​នឹង​បង សុំអូន​មួយ​មុខ កុំ​ជេរ​ស្តី​ស្ទឹង​សង្កែធ្វើអ្វី ទុក​គ្រាន់​បាន​បង​ដើរឆ្លងនឹក​រឿង​ស្រណោះ​ទាំង​ឡាយ..

ដងស្ទឹង​សង្កែ

ច្រៀង​&ភ្លេង​ដោយ៖ លោក ស៊ិន ស៊ីសាមុត

ទំនុក​ច្រៀង​ដោយ៖ កវីសេកមាស ម៉ាឡៅពី

អស់ឱបុប្ផា​កំសត់ នារី​ដ៏ស្រស់ផូផង់​បែបនេះ បែរ​ជា​ទេវតា​ដាក់ទោស​ទ័ណ្ឌ​ឲ្យគរ​ថ្លង់ទៅវិញ..

បងសុខ​ចិត្ត​អា​រឈាម​ស្រោច​ក្នុង​ស្ទឹង​សង្កែរ​នេះក៏ដោយ​ចុះ​ ឲ្យ​តែ​អូន​អាច​និយាយ​រួច​និង​ស្តាប់ឮ ថា​បង​កំពុង​តែ​លួច​ស្នេហ៏អូនណា..

សម្រស់នាង​ចែវ​ទូកដរ

ស៊ិន ស៊ីសាមុត

ទំនុក​ច្រៀង​ដោយ៖ កវីម្ចាស់ស្ទឹង​សង្កែ គង់ ប៊ុនឈឿន

គ្មាន​សេចក្តី​អាក្រក់​ឯណា​​ដែល​មិន​អាច​ប្រែ​ជា​សេចក្តី​ល្អ​នោះទេ ហើយ​ក៏គ្មាន​សេចក្តី​ល្អឯណា​ដែល​ស្ថិត​ស្ថេរ​ជា​រៀង​រហូត​នោះដែរ​។

ស្រា ឬសុរា.. ថ្វី​ត្បិត​តែ​យើង​ដឹង​ពី​អត្ថ​ន័យ​របស់​ពាក្យ​ “សុរា” យើង​យល់​​ពី​ឥទ្ធិពល​របស់​ “សុរា” សុរា​ធ្វើ​ឲ្យ​ខូច​សុខភាព សុរាគឺ​ជា​គ្រឿង​ស្រវឹង មាន​មនុស្ស​ជា​ច្រើន​​ត្រូវ​បាន​”សុរា”​បោក​បញ្ឆោតឲ្យ​ភ្លេចឪភ្លេច​​ម៉ែ ភ្លេច​ស្រែ​ភ្លេច​ភ្លឺភ្លេច​ផ្ទះ​សម្បែង ភ្លេច​ប្រពន្ធ​ភ្លេច​កូន ភ្លេច​ស្មារតី​ តែ​ក៏មាន​មនុស្ស​ជា​ច្រើន​ផ្សេង​ទៀត​បាន​ប្រើ “សុរា”​ ក្នុង​សេចក្តី​ល្អ និង​មាន​ប្រសិទ្ធភាព។

ខ្ញុំ​សរសេរ​អត្ថបទ​នេះ មិន​មែ​ន​មាន​ន័យ​ថា​គាំទ្រ​ឲ្យ​គ្រប់​គ្នា​រៀន​ផឹក​ស្រា​នោះទេ ហើយ​ក៏​មិន​មែន​គាំទ្រ​អ្នក​កំពុង​ផឹក​ស្រា​កាន់​តែ​ផឹក​ទៀត​នោះ​ដែរ។ ពាក្យ​ខ្មែរ​ពោល​ថា “មនុស្ស​ឆ្កួតបី ឆ្កួតស្រី ឆ្កួត​ល្បែង និង​ឆ្កួត​ស្រា”។ ​ចូរ​យើង​ទន្ទេញ​ពាក្យ​នេះ​ឲ្យ​ចាំ​ស្ទាត់ មុន​នឹង​យើង​ដាក់ចិត្ត​ស្រឡាញ់​ចង់បាននរណា​ម្នាក់​ មុន​នឹង​យើង​ដក​លុយ​ភ្នាល់​ល្បែងស៊ីសង​ និង​មុន​នឹង​យើង​លើក​កែវ​ស្រា​ក្រេបឱជារស​ដ៏​ឆ្ងាញ់​របស់​វា។ តែ​ពេល​នេះ​ខ្ញុំ​លើក​យក​តែ​រឿង​សុរាមួយ​មុខ​ប៉ុណ្នោះ​​មក​សង្ខេប​។ យើង​នឹង​មិន​បរិយាយ​តាម​បែប​សាសនា​នោះទេ។

យើង​បាន​ដឹង​ថា​សង្គម​ខ្មែរ​បច្ចុប្បន្ន​ មាន​មនុស្ស​ជា​ច្រើន​បាន​រងគ្រោះ​ដោយ​សារ​ស្រា ទាំង​ផ្ទាល់​និង​ដោយ​ប្រយោល។ ​តើ​អ្វី​ជា​ការ​រង​គ្រោះ​​ដោយផ្ទាល់​ ហើយ​អ្វី​ជា​ការ​រងគ្រោះ​ដោយ​ប្រយោល?

ការរ​ងគ្រោះ​ដោយ​ផ្ទាល់​គឺ​សំដៅ​ទៅ​លើ​បុគ្គល​ដែល​ប្រព្រឹត្ត។ មិន​ថា​ប្រុស​មិន​ថា​ស្រី​ឲ្យ​តែ​ជា​តិ​ស្រា​ចូលពោះហើយ​ គឺ​តែង​តែ​ចេញ​ធាតុ​ជា​សត្វ​បួន​ប្រភេទ ទី​១សេក (និយាយ​ច្រើនខុស​ច្រើន​ នាំរឿង) ទី២ពស់ (វា​រទៅផ្ទះជា​រាង​អក្សរ S) ទី៣ខ្លា (កាច​សាហាវប្រើ​អំពើ​ហឹង្សា) និង​ទី៤ គឺជ្រូក (ដេក​មិន​រើស​កន្លែង ឆ្កែលិតមាត់​)។ មនុស្ស​ដែល​ផឹក​ស្រា​ហើយ​ចេញ​ធាតុ​៤ប្រភេទ​ខាង​លើ​នេះ គឺ​បាន​ធ្វើ​ឲ្យ​ស្រា​ឆ្ងាញ់​ បែរ​ជា​សាប ស្រាថ្លៃ បែរ​ជា​ថោក​​អស់​រលីង។ បើ​ខ្ញុំ​ជា​ថៅកែ​ហាង​ស្រា​វិញ មនុស្ស​ទាំង​នេះ​ត្រូវ​សងថ្លៃ​ស្រា​មួយ​ទ្វេរ​ជា​ដប់ជាមួយ​រយឲ្យ​សម​កំហុស។ វា​ជា​រឿង​គួរឲ្យ​អាម៉ាស់បំផុត​ ហើយ​សូម​ជម្រាប​ថា មនុស្ស​ទាំង​នេះមិន​រាប់​ជា​អ្នក​ចេះ​ផឹកស្រា​​នោះទេ គេ​រាប់​ថាមនុស្ស​ប្រមឹកទៅវិញ​។ សួរ​ថា ខុសគ្នា​ត្រង់ណា អ្នក​ចេះផឹក​ និង​អ្នក​ប្រមឹក​នោះ? សូម​ជម្រាប​ថា មនុស្ស​ដែល​ចេះ​ផឹក​ស្រាគឺ​ជាមនុស្ស​ដែល​ស្គាល់​គុណភាព​ស្រា និង​ចេះ​ប៉ាន់ប្រមាណ​កម្លាំង​ស្មារតី​ ឬក្រពះ​ដែល​ខ្លួន​អាច​ទទួល​បាន មិន​មែន​ចេះ​តែ​លើក​អក លើក​ដាច់ ចុង​ក្រោយ​ចាក់​បាញ់ឆែវ​ធ្វើ​ទាន​ឲ្យ​ឆ្កែរ​នោះទេ។ កុំ​លើក​ខ្លួន​ឯងថា ចេះធ្វើ​បុណ្យធ្វើ​ទាន​ឲ្យ​ឆ្កែឲ្យ​សោះ នេះ​គេ​ហៅ​ថា​ខ្ជះខ្ជាយ​ ខ្ជះខ្ជាយ​ស្រា ខ្ជះខ្ជាយ​គ្រឿង​​ក្លែម។ មិន​តែ​ប៉ុណ្នោះ​វា​ធ្វើ​ឲ្យ​បុគ្គលនោះ​ឆាប់​ខូច​សុខភាព ចុះទ្រុឌទ្រោម​យ៉ាង​ឆាប់​រហ័ស ហើយ​មិន​យូរ​មិន​ឆាប់ នឹង​ត្រូវ​បាន​គេ​ដុតឆេះ​ហ៊ុយជុកមិន​ខាន​ឡើយ និយាយ​ឲ្យខ្លីគឺងាប់ ហើយ​មនុស្ស​ប្រភេទ​នេះគឺ​គេ​រាប់​ថា​អ្នក​ប្រមឹក​នេះ​ឯង គេ​សង្កេត​និង​ស្គាល់​មនុស្ស​ប្រភេទនេះត្រង់​​ធំក្លិន​ល្មុត​ទុំ​ខួប​ប្រាំង​ខួប​វស្សា។

ការ​រងគ្រោះ​ដោយ​ប្រយោល គឺ​សំដៅ​ទៅលើ​​ជនរងគ្រោះជា​សាច់​ញាតិ មាន​មាតា​បិតា ប្តីឬប្រពន្ធ​កូន ​ដែល​ត្រូវ​​​ជន​ប្រមឹក​ទាំង​នោះវាយ​ធ្វើ​បាបព្រោះផឹក​ចំ​ស្រាត្រាំឆ្អឹង​​ខ្លា ដែល​អា​ចរងគ្រោះ​ថ្នាក់​ដល់​ជីវិត​ក៏មាន​។ មួយ​វិញទៀត​បើ​ជន​ប្រមឹក​ទាំង​នោះបើកបរ គឺ​ងាយ​នឹង​បង្ករ​គ្រោះ​ថ្នាក់​ដល់បុគ្គល​នោះផង ព្រម​ទាំង​អ្នក​រួម​ដំណើរ​តាម​ផ្លូវ​ជាមួយ​ផង។ ដូច្នេះ​ចូរ​យើង​ដើរ​ជៀស​ឲ្យ​ឆ្ងាយ​ពី​ជនទាំង​នោះ ទើប​សុខសាន្ត។

“ស្រា​ជា​និមិត្តរូប​នៃ​ភាព​ជោគជ័យ”

ត្បិត​បើ​ស្រា​ពិត​ជា​បង្ករ​ការ​ស្មុគស្មាញ​បែប​នេះ​មែនហើយ តែ​សេចក្តី​អាក្រក់​ក៏អាច​ប្រែ​ជា​សេចក្តីល្អបាន​ផងដែរ។ ជាក់​ស្តែង​ក្នុង​សង្គម​ជំនួញ​បច្ចុប្បន្ន អ្នក​រកស៊ី​ជា​ច្រើន​បាន​យក​ស្រា​ធ្វើ​ជា​ទីប្រឹក្សាផង ឬធ្វើ​ជា​មន្រ្តី​ទូតផង ដើម្បី​ផ្សាភ្ជាប់​​ជាមួយ​ដៃគូរ​ជំនួញ​របស់​គេ។ អ្នក​ជំនួញ​ទាំង​ធំ​ទាំង​តូច​ បាន​បង្កើត​ឱកាស​​​ដោយ​យក​ស្រា​ធ្វើជា​លេស៍​ដើម្បី​បាន​ជួបជុំ ពិភាក្សា​ការងាររកស៊ី​របស់​ពួកគេ។ ហើយ​នៅពេល​ជំនួញ​របស់​ពួកគេ​ទទួល​បាន​ជោគជ័យ ពួក​គេ​ក៏បាន​បង្កើត​ពិធី​ជប់លៀង​ផ្សេងៗដោយ​មា​នស្រា​ ហើយ​ផឹក​អបអរ​សារទ។

“ស្រា​ក៏​ជា​និមិត្តរូប​នៃ​មិត្តភាព និង​សាមគ្គី”

ពាក្យស្លោក​មួយ​ពោលថា “មាន​ស្រា​មានមិត្ត”។ ស្រា​បា​ន​ដើរ​តួរនាទី​សំខាន់មួយ​ទៀត​ផងដែរ ក្នុង​ការ​ផ្សាភ្ជាប់​មិត្តភាព​របស់​ក្រុម​មនុស្ស។ ខ្ញុំ​មាន​មិត្ត​ជិតស្និត ស្គាល់ចិត្ត​ក៏​ដោយ​សារស្រា​នេះ​ដែរ។ ពួក​យើង​យក​ស្រា​គឺ​ជា​លេស៍​បង្កើត​ឲ្យ​មាន​ពិធីជួបជុំ វា​ជា​ស្ពាន​ឲ្យ​ពួក​យើង​ស្គាល់គ្នា​ បាន​ជជែកគ្នា​ សួរសុខទុក្ខគ្នា និង​ចែក​រំលែក​បទពិសោធ។ ការ​ពិត​ទៅ ​គ្មាន​ស្រា ក៏អា​ចជួបជុំជជែកគ្នា​បាន​ដែរ​ ក៏​ប៉ុន្តែស្ថានភាព និងបរិយាកាស​វា​ពិត​ជា​ខុសគ្នា។ បើ​អ្នក​សួរ​ខ្ញុំ​ថា​ខុស​គ្នា​ត្រង់​ណា ខ្ញុំក៏មិន​អា​ច​ឆ្លើយ​បាន​ដែរ តែ​និយាយ​ឲ្យខ្លី គឺចំណូលចិត្ត​មនុស្ស​ខុសៗគ្នា។ សម្រាប់ខ្ញុំ ស្រា​បាន​ធ្វើឲ្យ​ខ្ញុំ​រកឃើញ​ក្រុម​មនុស្ស​ដែល​មាន​ចំណូលចិត្ត និង​​គោលគំនិត​ដូចគ្នា។ ​ពាក្យ​ស្លោក​មួយពោល​​ថា “ស្រាឆ្ងាញ់ សមនឹង​អ្នក​ក្លាហាន” “ស្រាឆ្ងាញ់​បាន​អ្នក​ក្លាហាន​ផឹក​ គឺ​ជា​សំណាង​របស់​ស្រាហើយ”។

“ស្រាក៏​ជាទីប្រឹក្សា​ផ្លូវចិត្ត”

មិន​ថា​កុន ឬ​ក្រៅ​ឆាក​នោះទេ មាន​ពេល​ខ្លះ​ស្រា​បាន​ក្លាយ​ទៅ​ជា​មិត្ត​ដ៏យល់ចិត្ត​របស់​មនុស្ស​ខូច​ចិត្ត​ទាំង​ឡាយ។ ស្រា​បាន​លួង​លោម​គេ​បាន​មួយ​ចំនួនផង​ដែរ ទោះតិច​ឬ​ច្រើន​ដើម្បី​ឲ្យ​គេ​កាត់ចិត្តពី​សេចក្តី​ស្នេហា ភាព​បរាជ័យ​។ ផឹក​ដើម្បី​បំភ្លេច​ ផឹក​ដើម្បី​ដក​ក្តី​ស្រឡាញ់ ផឹក​ដើម្បី​ក្លាយ​ជាមនុស្ស​ថ្មី ផឹក​ដើម្បី​ពង្រឹង​ភាព​ក្លាហាន ផឹក​រួចហើយ​ត្រូវ​ក្រោកឈរ​..។

“ស្រា​ក៏​ជា​ថ្នាំពេទ្យ”

តាម​រយៈ​​ការ​ស្រាវជ្រាវ​របស់​អ្នក​វិទ្យាសាស្រ្ត ស្រា​​មិន​ត្រឹម​តែ​​មាន​ឱជារស​ឆ្ងាញ់​ពិសារ​ប៉ុណ្នោះ​ទេ ស្រា​ជា​ច្រើន​ប្រភេទ ក៏​ត្រូវ​បាន​គេ​ចាត់​ទុក​ថា​​ថ្នាំព្យា​បាល​ជម្ងឺ​​បាន​ផងដែរ។ ​មិន​មើល​រំលង តាំង​ពី​បុរាណ​កាល​មក ​ខ្មែរ​យើង​ក៏មាន​ទម្លាប់​ត្រាំ​ស្រា​ថ្នាំ​ផ្សេង​ៗ​ដែរ ដើម្បី​ព្យាបាល​ជម្ងឺ មាន​ស្រា​ថ្នាំ​បុរាណ ឬសឈើ សំបក​ឈើ ស្លឺកឈើ​ និង​ឆ្អឹង​សត្វ​នានា។ ហើយ​ពួក​អឺរ៉ុប​បាន​ប្រើ​ស្រា​ដើម្បី​កម្តៅពោះមុន​ចូល​ដំណេកត្បិត​ស្រុកគេ​ត្រជាក់។

។ល។

ប្រិយ​មិត្ត​អ្នក​អាន​ជា​ទី​មេត្រី! តាម​រយៈ​ការ​រៀប​រាប់​ត្រួសៗមក​ខាង​លើ លោកអ្នក​ពិត​ជា​បាន​ជ្រាបហើយ​មែនទេ ថាអត្ថន័យ និងឥទ្ធិពល​ស្រា មិន​មែន​អាក្រក់​តែ​រហូត​នោះ​ទេ។

អ្វី​ក៏ដោយតែ​ង​តែ​មាន​គុណសម្បត្តិ​និង​គុណ​វិបត្តិ​​ ឲ្យ​តែ​យើង​ចេះ​បែងចែក​ ប្រើប្រាស់ និង​​មើល​ក្នុង​សេចក្តី​ល្អ នោះ​យើង​នឹង​ទទួល​បាន​ចំណេះ​ដឹង​ជា​ច្រើន​អំពីវា។

តើ​អ្នក​យល់យ៉ាង​ណា​ដែរ​អំពី​ស្រា?

————————-

Related Article

• យីកេរឿង៖ ​វិធុរបណ្ឌិត (ភាគ១)

អ្នកទាំងនោះ ត្រូវ​តុលាការ​​ដែលចូលរួម​ដោយ​អ.ស.ប​ ចាប់ផ្តើម​ជំនុំ​​ជម្រះ​​ទោស​​ពីបទ​​ឧក្រិដ្ឋកម្ម​​សង្គ្រាម ​ឧក្រិដ្ឋកម្ម​​ប្រឆាំង​​នឹង​​មនុស្ស​ជាតិ​ ឧក្រិដ្ឋកម្ម​​ប្រល័យ​​ពូជសាសន៍​​ជាដើម​ ដែល​​មាន​​ពលរដ្ឋ​​ជិត​​ពីរ​លាន​នាក់​​ត្រូវ​ស្លាប់​​ដោយ​​ទារុណកម្ម​ ការ​បង្អត់​អាហារ​ ការបង្ខំ​ឲ្យ​ធ្វើ​ការ​​ហួស​កម្លាំង​ ការរំលោភ​​ផ្លូវភេទ​ ការសម្លាប់​​រង្គាល​​ក្រៅ​ច្បាប់​​និង​ឧក្រិដ្ឋកម្ម​ផ្សេងៗ​​ទៀត។​ ក្រុម​ខ្មែរ​ក្រហម​​ទាំងនេះ​​ត្រូវ​គេ​​ចោទ​​ថា​បាន​ប្រព្រឹត្ត​ការ​សម្លាប់​​រង្គាល​ កាល​ពី​ចន្លោះ​ ឆ្នាំ​១៩៧៥​ ដល់​ឆ្នាំ​១៩៧៩។

សម្រាប់ជា​ទស្សនៈរបស់​ខ្ញុំផ្ទាល់ ខ្ញុំ​មិន​ដែល​គាំទ្រ​ឲ្យមាន​សាលា​ក្តី​នេះទាល់តែសោះ​ ដោយ​សំអាង​លើ​ហេតុផល៣យ៉ាង៖

១-មិនយុត្តិធម៌​ចំពោះ​ជនរងគ្រោះ

វា​មិន​អាចរំសាយ​កំហឹង​ឈឺចាប់​របស់​ជនរងគ្រោះ​ទាំង​អស់​នោះបានទេ ទោះ​បី​តុលាកា​រកឃើញ​កំហុស​ហើយ​កាត់ទោស​ជនជាប់ចោទ​ទាំង​នោះ​ដោយទោស​កម្រឹត​ណា​ក៏ដោយ។ យើង​​មើល​លើ​សំណុំរឿង​០០១ ជំនុំជម្រះទោស​លើ កាំង ហ្គេចអ៊ាវ ហៅ ឌុច ប្រធាន​គុក​ទួលស្លែង ដែល​ត្រូវបាន​តុលាការ​កាត់ទោសឲ្យ​ជាប់​គុក៣៥ឆ្នាំ ឬស្ទើរ​មួយជីវិតទៅហើយនោះ តើ​មាន​ជនរងគ្រោះ​​ប៉ុន្មាន​នាក់​និយាយ​ថា យុត្តិធម៌ នោះ?

បើ​តាម​កំហឹង​ឈឺចាប់​របស់​ជនរងគ្រោះទាំងនោះ លុះត្រាតែកាប់ចិញ្ច្រាំ ជន​ជាប់ចោទ​ទាំង​នោះ រាប់ម៉ឺន រាប់លានកំបិត ហើយ​ឲ្យ​សេះប្រាំ​បំបែកសាកសព ទើប​សមតាម​ចិត្ត​ប្រាថ្នា​របស់​ពួកគេ(ជនរងគ្រោះ) ឬ​ប្រហែលជា​មិន​អាច​រំសាយ​កំហឹង​របស់​ពួក​គាត់​បាន​​​ទាំង​អស់​ផង។ ប៉ុន្តែក្នុង​មាត្រា​ទី៣៤​ កម្ពុជា​គ្មាន​ទោស​ប្រហាជីវិត​នោះទេ ទោះ​បទ​ល្មើសក​ម្រិតណាក៏ដោយ។

២-មិនយុត្តិធម៌​ចំពោះ​ជនជាប់ចោទ

ថ្លែង​ប្រាប់​សាលាក្តី​ខ្មែរក្រហម​ កាលពី​ថ្ងៃ​អង្គារ​ម្សិលម៉ិញ​នេះ ​អស់​រយៈពេល​ជាង​មួយ​ម៉ោង​ លោក​នួន ​ជា ​បាន​វាយ​ប្រហារ​ប្រទេស​វៀតណាម​​ស្ទើរតែ​មិន​ដាច់​ពាក្យ ​ដោយ​លោក​បាន​ចោទ​ប្រកាន់​ថា​ ប្រទេស​វៀតណាម​មាន​បំណង​លេប​ទឹកដី ​ឈ្លានពាន ​និង​បំបាត់​ពូជសាសន៍​កម្ពុជា។ កត្តា​ដែល​ប្រទេស​វៀតណាម​ មាន​មហិច្ឆតា​គ្រប់គ្រង​ត្រួត​ត្រា​ប្រទេស​កម្ពុជា ​និង​ប្រទេស​ឡាវ ​ដោយសារ​តែ​វៀតណាម​ មាន​គំនិត​ជាតិ​ធំ ​ឬ​ហៅ​ថា​លទ្ធិ​ជាតិ​និយម ​ដែល​លទ្ធិ​នេះ ​ត្រូវ​បាន​អនុវត្ត​ទៅលើ​ប្រទេស​តូចៗ ​ប្រជាជន​តិច​ ទន់​ខ្សោយ​ និង​មើល​​ងាយ​​មើល​​ថោក​​ប្រទេស​​តូចតាច។

«វៀតណាម​ប្រកាន់​យក​នូវ​លទ្ធិ​ឈ្លានពាន ​វាតទី​លេប​ទឹកដី​បំបាត់​ពូជសាសន៍។​ វៀតណាម​លោភ​លន់​អំណាច ​និង​ផលប្រយោជន៍ ​ខាង​សេដ្ឋកិច្ច​ ឬ​ហៅថា​ផលប្រយោជន៍​និយម​ឬ​អំណាច​និយម។ ចាប់​តាំង​ជា​សហព័ន្ធ​ឥណ្ឌូចិន ​ដោយ​នៅ​ក្រោម​ការត្រួតត្រា​របស់​ប្រទេស​វៀតណាម​ តាម​រូបភាព​មិត្តភាព​ពិសេស​ និង​គំនិត​ធ្វើ​រាមច្បង​នៅ​ក្នុង​ប្រទេស​អាស៊ាន ​ក៏​វៀតណាម​នៅ​មាន​មហិច្ឆតា​នេះ​ដែរ»។

ដោយ​បាន​ធ្វើការ​រៀបរាប់​យ៉ាង​វែង ​ទាំង​ការ​បង្កើត​បក្សកុម្មុយនីស្ត​ឥណ្ឌូចិន ​នៅ​ក្នុង​ឆ្នាំ​១៩៥១​ រហូត​ដល់​របប​ខ្មែរក្រហម​ លោក​នួន​ ជា ​ក៏​បាន​ទាញ​យក​ទឡ្ហីករណ៍​ជាក់ស្តែង​មួយ​ នៅ​ក្នុង​ពេល​បច្ចុប្បន្ន​នេះ ​បន្ទាប់​ពី​ប្រទេស​វៀតណាម ​បាន​បង្កើត​សមាគម​របស់​ខ្លួន​ចំនួន​២៤​ខេត្ត​ក្រុង​ នៅ​ក្នុង​ប្រទេស​កម្ពុជា។ ​លោក​នួន​ ជា ​បាន​បញ្ជាក់​ថា ​ការបង្កើត​សមាគម​នេះ​ មាន​សាខា​ដឹកនាំ​ធ្វើ​សកម្មភាព​នយោបាយ ​សេដ្ឋកិច្ច ​យោធា ​និង​មនោគមវិជ្ជា​ នៅ​តាម​ខេត្ត​ ដែល​នេះ​គឺ​ជា​យុទ្ធវិធី​ពស់​ថ្លាន់​ រឹត​កូន​ឈ្លូស​ឲ្យ​ទន់​ឆ្អឹង ​រួច​ហើយ​លេប​តែ​ម្តង។

«កត្តា​វៀតណាម​គឺ​ជា​បច្ច័យ​មួយ​សំខាន់ ​ដែល​បង្ក​ឲ្យ​មាន​ការច្របូក​ច្របល់​នៅ​ក្នុង​ប្រទេស​កម្ពុជា​ប្រជាធិបតេយ្យ ​ពី​ឆ្នាំ​១៩៧៥​ ដល់​ខែ​មេសា ​ឆ្នាំ​១៩៧៩»។

——-

ខាង​លើ​នេះគឺ​គ្រាន់តែ​ជា​ការ​រៀបរាប់​របស់​លោក​នួនជា​តែម្នាក់ប៉ុណ្នោះ ទោះបី​ជា​ហេតុផលពិត​ឬ ក្លែងក្លាយ​ក៏ដោយ​ ខ្ញុំហ៊ាន​និយាយថា​ មូលហេតុ​ដែល​នាំឲ្យមាន​ កម្ពុជាប្រជាធិបតេយ្យ គឺ មនោគមន៍វិជ្ជា តែមួយមុខគត់។ សួរថា តើ​នរណា​ជាអ្នក​ដាក់​មនោគមន៍វិជ្ជា?

ក្នុង​សេចក្ដី​ថ្លែងការណ៍​តប​នឹង​ការចោទ​ប្រកាន់​របស់​សហ​ព្រះរាជ​អាជ្ញា​ កាល​ពី​ព្រឹក​ម៉ិញ​ ខៀវ​ សំផន​ អាយុ ​៨០​ ឆ្នាំ ​ក៏បាន​ហៅ​ការចោទ​ប្រកាន់​មក​លើ​ខ្លួន​ថា ​ជា​ការ​ចោទ​ប្រកាន់​ «ដោយ​ស្មាន​ និង​គ្មាន​ភស្ដុតាង» ​ ហើយ​បាន​សំអាង​ឡើង​វិញ​ថា ​ខ្លួន​មិន​បាន​ដឹង​ពី​ឧក្រិដ្ឋកម្ម​ ដែល​បាន​កើត​ឡើង​នោះ​ទេ។ លោក​ថែម​ទាំង​បាន​ស្នើរ​ឲ្យតុលាការ កោះហៅព្រះមហាវីរៈក្សត្រនរោត្តម​សីហនុ ចូល​តុលាការទៀតផង។

ជាក់ស្តែង​ណាស់ កម្ពុជា​ប្រជាធិប្បតេយ្យ មានឡើង​ដោយ​សារ​មនោគមន៍វិជ្ជា នយោបាយ ដូច្នេះបើ​ចង់​រកឃើញ​យុត្តិធម៌លុះត្រា​តែ​ហៅ​​អ្នក​នយោបាយ​ជំនាន់​នោះ​មក​​សាកសួរ​ទាំងអស់ សូម្បី​តែ​ប៉ុលពតក៏ត្រូវ​គាស់ផ្នូរយក​មកសួរដែរ ឬត្រូវ​ហៅ​ប្រទេស​ដែល​ជនជាប់​ចោទ​ទាំង​៤ខាងលើចោទប្រកាន់ មាន​វៀតណាម អាមេរិក និង​ចិន​ថែម​ទៀត មកតទល់​ជាមួយ​ពួកគាត់។ មិន​អាច​ធ្វើ​តាម​ការ​ស្មាន និង​គ្មាន​​ហេតុផល​ពិត​ប្រាកដដូច​លោក​ខៀវសំផន​ បាន​ស្រែក​មែន​​នោះទេ។ ប៉ុន្តែ​វា​មិន​អាចទៅរួចទេ ហើយ​ក៏ជារឿង​ដែលគួរឲ្យអស់​សំណើច​បំផុត។

៣-មិនយុត្តិធម៌ចំពោះកម្ពុជា

សួរ​មួយម៉ាត់​ឲ្យខ្លី តើ​ពេល​ដែល​ខ្មែរ​សម្លាប់ខ្មែរ តើ​អង្គការ​សហប្រជាជាតិ​នៅឯណា?

ហេតុអី​នៅពេល​ដែល​ខ្មែរ​បាន​សន្តិភាពហើយ អ្នក​មាន​អំណាច​ទាំង​ឡាយ​លែង​ឈ្លោះគ្នាហើយ សម្របសម្រួលគ្នាហើយ ទើប​ឃើញ​អាមេរិក ឬអសប មក​ហៃអើ​កាត់ទោស​ខ្មែរ? ពេល​ខ្មែរ​សម្លាប់ខ្មែរ ហេតុអី​អាមេរិកបិទភ្នែក​មើលមិនឃើញ អង្គការសហ​ប្រជាជាតិ​យក​ភ្នែក​ទៅទុក​នៅឯណា​នៅពេលនោះ? អ្នក​មិន​អា​ចប្រើពាក្យថា​មិន​ដឹង​នោះទេ ព្រោះកម្ពុជា​ក៏​ជា​សមាជិក​ម្នាក់​ដែរ។

វា​មាន​រឿង​តែម្យ៉ាង​គត់ គឺពេល​វេលា​មិនទាន់​សមស្របឲ្យអស់លោក (អសប) មាន​អាមេរិកជាដើម ទទួលបាន​ផលប្រយោជន៍ពីកម្ពុជា ព្រោះកម្ពុជា​គ្មានប្រេង គ្មាន​ខ្លាញ់ មហិមាដូច​អៀរ៉ាក់ ដូច​លីប៊ី និងពិភពអារ៉ាប់ទាំងនោះ។

រឿង​បរទេស​កាត់ទោស​ខ្មែរ ពី​រឿង​ខ្មែរ​សម្លាប់​ខ្មែរ ខ្ញុំពិត​ជា​ឈឺចាប់ និងអៀន​ខ្មាស​ខ្លាំងណាស់ ព្រោះ​វា​ត្រូវ​បាន​ផ្សព្វផ្សាយ​ពាសពេញ​ពិភព​​លោក។ វា​មិន​មែន​ជារឿង​ដែល​ត្រូវ​សាទរជាមួយ​ការចាប់ផ្តើម​សំណុំរឿង​០០២ ឬ០០៣ ០០៤នោះទេ។

ប្រវត្តិសាស្រ្តខ្មែរ​ជូរចត់ណាស់ ឲ្យតែ​ខ្មែរ​ឈ្លោះគ្នា នាំគ្នាទៅពឹងបរទេស។ មិនដែល​ឃើញ​លទ្ធផល​ល្អសោះ ក្រៅពី​ត្រូវ​កាត់ដី ឬកាត់​បង់​ផលប្រយោជន៍​ទៅឲ្យគេ​នោះ។

បន្ថែម៖ នយោបាយ​ត្រូវ​ដោះ​ស្រាយ​ដោយនយោបាយ។ អសប សមល្មម​រើតុលាការនេះលក់តុលក់កៅអីចែកលុយគ្នា​ចាយ​ទៅ។ កម្ពុជា​មិន​ត្រូវ​ការតុលាការអត់​បាន​ការ​នេះទេ!

————————————

Related Articles:

• ខៀវសំផន​ថា​ខ្លួនគ្មាន​អំណាច​ពិត ហើយ​ស្នើរឲ្យកោះ​ហៅ​ព្រះមហាវិរៈក្សត្រ
• លោកនួនជា​ថា​យួននៅពីក្រោយខ្នងនៃការសម្លាប់​ខ្មែរ
• វៀតណាម​បដិសេធថា​ខ្លួន​មិនមែន​ជា​ដើមចមនៃការ​សម្លាប់ខ្មែរ
• ឌុច​ត្រូវ​សម្រេចឲ្យជាប់ទោស​៣៥ឆ្នាំ
• កាលប្បវត្តិ នៃអ្នកដឹកនាំប្រទេសកម្ពុជាពីឆ្នាំ១៩៤៥

១-នៅអនុវិទ្យាល័យ ខ្ញុំសួរខ្លួនឯងថា តើគួររៀន​គួរអីខ្លះ ដើម្បី​បានពិន្ទុច្រើន បានចំណាត់ថ្នាក់ល្អនឹងគេ ព្រោះពុកមិនសូវមានលុយ។

២-នៅវិទ្យាល័យ ខ្ញុំសួរខ្លួនឯងទៀតថា តើគួរ​រៀនគួរ​មុខវិជ្ជាអីខ្លះ ដែល​សំខាន់ ចំណូលចិត្ត និង​ទាក់ទងជាមួយមហាវិទ្យាល័យ។

៣-នៅថ្នាក់មហាវិទ្យាល័យ ខ្ញុំសួរខ្លួនឯងម្តងទៀតថា តើខ្ញុំរៀននេះគឺដើម្បីអ្វី ហើយយក​ក្រដាស​មួយ​សន្លឹក​នេះមក​ធ្វើអីដែរ?

៤-ដល់ពេលនេះ ខ្ញុំសួរខ្លួនឯងទៀតថា តើពេលណាខ្ញុំត្រូវយកប្រពន្ធ ហើយពេលនោះខ្ញុំត្រូវមានអ្វីខ្លះ?

សំណួរ១ ២ និង ៣ ខ្ញុំឆ្លើយរួចហើយ ខុសខ្លះ ត្រូវខ្លះ តែសំណួរទី៤ ធ្វើឲ្យខ្ញុំអង្គុយភាំង ជាញឹកញាប់។