I-ថ្ងៃរះផុតទៅ អូននៅម្នាក់ឯង ផ្ទៀងស្តាប់សម្លេង ទូរស័ព្ទបងហៅ
ដែលបានសន្យា ថាមកយកពៅ ទៅវត្តឯក្រៅ ភូមិយើងធ្វើបុណ្យ។II-ម៉ោងជិតប្រាំបី ទៅហើយជីវ៉ា មិនឃើញរៀមរា ឲ្យខុសបំណង
បងខកសន្យា ឬគេចាប់ចង មិនឲ្យស្នេហ៏ស្នង មកទទួលស្រី។R-ខែចែត្រចូលឆ្នាំ ម៉ែផ្តាំទុកមុន ទៅវត្តធ្វើបុណ្យ ជាមួយប្រុសថ្លៃ
ពូនខ្សាច់ស្រង់ព្រះ សុំសុខសួស្តី មុនថ្ងៃសិរី ជ័យយើងមកដល់។III-ចូលឆ្នាំបណ្តាំ ចាស់ៗលោកប្រាប់ ចូរចាំត្រាប់ស្តាប់ អស់ញាតិប្អូនបង
ទៅវត្តធ្វើបុណ្យ ចម្រើនកុសល ព្រលប់មកដល់ នាំគ្នារាំលេង។
បងខកសន្យា
ប៉ប៉ាច់ប៉ប៉ោច- វិលមកវិញជាមួយនឹងការសរសេរខ្លីៗ ប៉ប៉ាច់ប៉ប៉ោចនៅទីនេះម្តងទៀត មិនមានអ្វីច្រើនទេ ជាការផ្សាយដើមគ្រា ខ្ញុំសូមបង្អួតលោកអ្នកពីទិដ្ឋភាពទីក្រុងភ្នំពេញដែលខ្ញុំថតបានពីដំបូលនៃអគារសុខាភ្នំពេញ នាខែមេសា ២០១៧កន្លងទៅ។ youtube=https…
- ជ្រុងម្ខាងភ្នំពេញ..
- Royal Palace
- Royal Palace on top view
- Fist status of Y2015 nothing update Everyone here
- ថ្ងៃនេះ ខ្ញុំធ្វើចិននឹងគេ សូមចោលនាមខ្មែរមួយគ្រាសិន ត្បិតស្រុកឡប់ឡែខ្លោចឆៅឆ្អិន នាំគ្នាស៊ីសិនឆ្អែតក្រពះ។ យើងសែនឪយើងសែនកុងម៉ា បាយម្ហូបត្រៀបត្រាពេញតែផ្ទះ បើស៊ីមិនអស់កុំចោលជះ…
- ខានបញ្ចេញអារម្មណ៍ទីនេះអសកាលជាយូរមកហើយ
- «កំពូលក្តិបចោរមាន IQ ខ្ពស់មិនគួរឲ្យជឿ!!»
- កម្សាន្តដួងចិត្តពេញមួយម៉ោង ជាមួយ«អនុស្សាវរីយ៍ផ្ទៃសមុទ្ទខ្មែរ» សមុទ្ទធំធេងវែងអន្លាយ សន្ធឹងឯនាយជាប់ជើងមេឃ គីរីដែនកោះល្អអនែក រំលែកទុក្ខដួងចិត្តសោកា។ រលកបោកបក់លើផ្ទាំងថ្ម ខ្យងសោកបន្ទរជាសញ្ញា…
- អនុស្សាវរីយ៍មួយសន្លឹក «សំណង់ស្ពានព្រេកក្តាម» ខែមេសា ២០០៩
តៀមកាហ្វេ 
#1 by ព្រឹក្សា on ខែមេសា 5, 2012 - 1:10 ល្ងាច
បង អត្ថបទសិល្បៈនេះមានអត្ថរស អត្ថរូប ខ្លឹមសារល្អណាស់បង ។ បងពូកែតាក់តែងណាស់ ។ ប្អូនសូមរៀនពីបង ដែរ ហើយ ។ តើបងអនុញ្ញាតដែរប្ញទេ?
ពីប្អូន ព្រឹក្សា !
#2 by តៀមកាហ្វេ on ខែមេសា 5, 2012 - 3:40 ល្ងាច
អូ! អរគុណដែលសរសើរ! ខ្ញុំអត់ចេះអីទេ ចេះតែសរសេរ រកនឹកចុងជួនលេងទេ! ទំនុកកំណាព្យនេះ មិនដឹងពាក្យ៤ ឬ៨ឲ្យត្រូវផងទេ។ ខ្ញុំចេះតែសរសេរ និងរៀនសរសេរតាមដែលអ្វីដែលអ្នកនិពន្ធពីដើមជ្រើសរើសយកទៅសរសេរជាទំនុកច្រៀង ព្រឹក្សាអាចស្រម៉ៃយកទៅច្រៀងតាមទំនុកភ្លេងនៃបទរាំវង់ ដូចជាអង្គុញកើយបី ឬបទសម័យដូចជាបទ ចំប៉ីសៀមរាប ចំប៉ាបាត់ដំបង ឬបទពីដើមណាមួយ ក៏ត្រូវស្ទើរទាំងអស់ ព្រោះអ្នកនិពន្ធពីដើមតែងទំនុកច្រៀងដោយនិយមមេសូត្រពាក្យ៤ និងពាក្យ៨ណាស់។ តែទំនុកដែលខ្ញុំសរសេរនេះមិនគ្រប់មួយបទទេ បានតែតិចហ្នឹង ខំរកនឹកចុងជួនទម្រាំត្រូវ!
#3 by ព្រឹក្សា on ខែមេសា 5, 2012 - 8:31 ល្ងាច
អរគុណដល់បងដែលខិតខំសរសេរឆ្លើយតបមកព្រឹក្សា
ពិសេសស បងបានបង្ហាញពីលំនាំបទ ស្ទីល (រចនាបទ) នៃទំនុកច្រៀងពីសម័យសង្គមចាស់ដែលព្រឹក្សា ចូលចិត្តដូចបងដែរ ។បងពិតជាមានចំណង់ចំណូលចិត្តដូចព្រឹក្សា ។
សង្ឃឹមថា បងពិតជាឆ្លងឆ្លើយតាមសារជាមួយប្អូនជាបន្តបន្ទាប់ជាមិនខានឡើយ ។
ពីប្អូន ព្រឹក្សា !
#4 by ព្រឹក្សា on ខែមេសា 6, 2012 - 6:51 ព្រឹក
បង !
ប្អូនពេញចិត្តនឹងវីគីភេឌារបស់បង ។
ប្អូនអាចសុំលេខកូដនៃវីគីភេឌាយកមកដាក់ក្នុងប្លក់របស់ប្អូនបានដែរប្ញទេ បង ?
សង្ឃឹមថាបង មិនកំណាញ់ទេ បងពិតជាផ្ញើមកប្អូនដែលជាអ្នកមិនទាន់ចេះពីប្លកនៅឡើយ នៅមានការខ្វះខាត ។
#5 by តៀមកាហ្វេ on ខែមេសា 6, 2012 - 8:04 ព្រឹក
អ្វីដែលឆ្លើយបាន គឺមិនកំណាញ់ទេ។ រូបវីគីហ្នឹង អត់មានកូតទេ គឺជារូបភាព *gif ទើបវាមានចលនា។ បើចង់បាន ម៉ៅស្តាំលើរូប save as ទាញយកទៅប្រើទៅបានហើយណា!
#6 by ព្រឹក្សា on ខែមេសា 6, 2012 - 1:04 ល្ងាច
អរគុណបងជាអនេក !
ប្អូនបានធ្វើតាមបង បានសម្រេចហើយ ។
#7 by តៀមកាហ្វេ on ខែមេសា 6, 2012 - 2:48 ល្ងាច
អរគុណ! សំណាងល្អ!